Jeremías 17:20 - Qullan Arunaca

²⁰ Jakenacarusti saraquim: ‘Reyinaca, Judá orakenquir take jakenaca, Jerusalenanquir take jakenaca, cawquïrinacatejj aca puncu toke mantapjjta ucanaca, Tatitun arunacapa ist'apjjam.

Aymar Bibliia 1986

²⁰ Jakenacarusti saraquim: ‘Reyinaca, Judá orakenquir take jakenaca, Jerusalenanquir take jakenaca, cawquïrinacatejj aca puncu toke mantapjjta ucanaca, Tatitun arunacapa ist'apjjam.

Qullan Arunaka DC

²⁰ Jaqinakarusti sarakim: ‘Reyinaka, Judá uraqinkir taqi markanaka, Jerusalenankir taqi jaqinaka, aka punku chiqa mantirinaka, Tatitun arunakap ist'apxam.

Jeremías 17:20 Jak'a apnaqawi uñst'ayäwi

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 17:19

Tatitusti saraquituwa: “Saram, ucatsti Marca Mantaña puncuru sayt'asim, cawqui chektejj Judá oraken reyinacapajj mantapjje, mistupjjaraqui ucqharu, uca quipcaraqui Jerusalén marcan yakha puncunac jac'arus sayt'asiraquim.

Jeremías 19:3

Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 21:11

“Judá orakenquiri reyin utaparusti, David reyit jutirinacarusa, nayan sutejjaru aqham saraquim: Tatitun arunacapa ist'am: Sapa urusa cunatejj chekapäqui uca luraraquim; t'akhesiyatanacarusti t'akhesiyirinacapata khespiyaraquim, uqhamata, jan wali luratanacam laycu, colerasiñajjasti ninjama aktascaraquispa, ucatsti naqharaquispa jan qhitinsa jiwarayañjama.

Jeremías 22:2

Judá orakenquir reyin nayrakatapana, cawquïritejj Davidan tronopan kont'atäqui uca nayrakatana, uqhamaraqui reyin yanapirinacapan nayrakatapansa, marcanquiri jakenac nayrakatansa: ‘Tatitun arunacapa ist'apjjam.

Ezequiel 2:7

Jumajj arunacajja jupanacarojj khanañcham, ist'apjjpasa janis ist'apjjpan, jupanacan naya toke sayt'asiri jakenacäpjjatap laycu.

Ezequiel 3:17

“Nayasti jumarojj, chacha, Israel marcan uñjiripatwa uscuracsma. Cunapachatejj nayajj cunsa jumaru yatiyäma ucapachasti janc'aquiw Israel marcarojj yatiyañamaraqui, uqhamat jupanacajj take cunsa suma yatipjjañapataqui.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Miqueas 3:1

“Ist'apjjam jichhajj Israel marcan gobernantenacapa, uqhamarac jilïrinacapa, jumanacajjaya cuntejj chekäqui, asquïcaraqui ucjja yatipjjañamächejja.

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’