Jeremías 16:21 - Qullan Arunaca

²¹ “Ucatpï jichhajj mäpita jach'a ch'amajja uñacht'ayäjja; uqhamatwa yatipjjani nayan sutejjajj Tatitütapa.”

Aymar Bibliia 1986

²¹ “Ucatpï jichhajj mäpita jach'a ch'amajja uñacht'ayäjja; uqhamatwa yatipjjani nayan sutejjajj Tatitütapa.”

Qullan Arunaka DC

²¹ “Ukatpï jichhax mäpita jach'a ch'amax uñacht'ayäxa; ukhamat yatipxani nayan sutixan Tatitütapa.”

Jeremías 16:21 Jak'a apnaqawi uñst'ayäwi

Salmos 83:18

juma sapac Diosätam yatipjjpan, aca orakjjar juma sapac Alajjpachanquirïtam yatipjjaracpan.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 15:3

Tatituw guerran nuwasirejja, sutipasti Tatitu sataraquiwa.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Isaías 43:3

Nayätwa juman Tatitumajja, khespiyirimajja, Israelan Kollan Diosapätwa. Nayaw jumarojj alasinsa alassma. Egipto, Etiopía, Sabá marcanacata,

Jeremías 33:2

“Naya, qhititejj aca orake lurcta, ucatsti suma cimientopjjaru utt'aycaracta, ucaw sisma:

Ezequiel 24:24

‘Ezequiel profetajj jumanacataquejj mä amuyt'asïwïniwa, cuntejj jupajj lurcäna take ucanacwa jumanacajj lurapjjaraquïta. Cunapachatejj take ucanacajj lurascani, ucapachaw jumanacajj yatipjjäta nayan Tatitütajja,’ sasa.

Ezequiel 24:27

Uca urusti janiw juc'ampi amutücjjätati, ucatsti qhititejj jaltancatayna, ucampis parlt'asiraquïtawa. Uqhamatwa jumajj aca jakenacataquejj mä yatichäwi tucuraquïta, jupanacasti ucapachaw nayan Tatitütajj yatipjjaraquini.”

Ezequiel 25:14

Edom orakerusti, Israel marcajj tokwa phoksusiraquëjja; jupasti Edom marcarojj sinti jach'a colerasitajjarjamaraquiw uñjani. Uqhamatwa jupanacajj yatipjjani, cunäquitejj nayan phoksusiñajjajja ucjja. Naya Tatituw ucjja arsta.

Ezequiel 6:7

Cunapachatejj jumanacajj walja jakenacaru jumanac taypin jiwarasquiri uñjapjjäta, ucapachaw jumanacajj yatipjjäta nayan Tatitütajja.

Amós 5:8

Tatituw lurawayi jan jact'cay warawaranacjja, arumsti ururu tucuyaraqui, ursti ch'amac arumaru tucuyaraqui, kotanquir umanacsa jawsaraqui, ucsti orakjjaru wartaraqui. Jupaw antutani ch'amaninacjjaru tucjatäñapsa, juparaquiw apaniraqui ch'amaninacjjarojj tucjatäñapsa. Sutipasti, Tatitu Diosawa.