Jeremías 15:15 - Qullan Arunaca

¹⁵ Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Aymar Bibliia 1986

¹⁵ Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Qullan Arunaka DC

¹⁵ Tatay, jumax taqi kun yattaxa, juma laykuw jisk'achatas uñjasta. ¡Nayat amtasisax nayar yanapt'iriy jutam! ¡Janikiy ukhamak qhiparamti, khitinakatix nayar arknaqapkitu, ukanakar mutuyam janïr nayar jiwaykipana!

Jeremías 15:15 Jak'a apnaqawi uñst'ayäwi

Nehemías 13:22

Ucatsti levitanacarojj yatiyäyätwa k'omachasipjjañapataqui, samarañ uru jan p'aquitäñapataqui puncunaca uñjiri sarapjjañapataqui. “¡Nayan Diosajja, amtasiraquitaya aca luratajjata, ucatsti qhuyapt'ayasiraquitaya juman jach'a munasiñamarjama!”

Nehemías 13:31

Uqhamarac lawa churañanacasa wact'ayata horasaru churapjjañapataqui, uqhamarac nayra achunaca churañanacapsa. “¡Nayan Diosajja, amtasitaya nayar asqui lurañamataqui!”

Nehemías 5:19

“¡Diosajjay, amtasitaya nayan asquejjataqui, take cunanactejj aca marcataqui lurcta uca laycu!”

Nehemías 6:14

“¡Nayan Diosajja, amtasimaya cuntï Sanbalat, uqhamarac Tobías sat chachasa lurapqui ucanacata! ¡Janirac armasimti Noadías sat profetisa warmitsa, ni mayni profetanacatsa, nayar sustjaña munapquitäna ucanacatsa!”

Job 10:7

Jumajj yatisctawa nayan jan juchanïtajj-jja, yatiractawa nayarojj janiw qhitis amparamatjja khespiyquitaspati.

Salmos 102:24

Nayasti juparojj sistwa: “Diosajjay, janiquiy jacäwejj chicatpach apakestati” sasa. ¡Maranacamajj janiw tucuyanïquiti!

Salmos 106:4

Tatay, marcamar munasitam laycuy nayat amtasita, khespiyir jutcät ucapachay nayar tumpasita:

Salmos 119:84

¿Cunapachcamarac suyästi? ¿Cunapacharac arcnakerinacajjar taripätasti?

Salmos 17:3

Jumaw takpach amuyunacajj yattajja, arumanacaw chuymajj uñaker jutista; ninampjamaw yant'ista, janiraquiw cuna ñankhsa jicjjatquistati.

Salmos 39:13

Mä juc'acamay samart'ayita, janïr nay sarquipana, janïr nay jiwquipana.”

Salmos 44:22

Juma laycuw sapürojj jiwayañ munapjjetu, qhariñ ovejanacarjamaw uñch'uquipjjetu.

Isaías 38:3

“Tata, nayajj achict'assmawa, amtasimaya cunjämtejj take chuymajjampi jumar sirvcsma uca, cunjämarutejj jumajj muncta uqhamarjamaw sirvsma” sasa. Ezequiasasti walpun jachäna.

Jeremías 12:3

Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Jeremías 15:20

Nayasti jumarojj aca marcataquejj broncet lurat perkjama tucuyaraquïma, jan atipcaya. Jumataquejj wali sartasipcani, ucampis janiw atipapcätamti, nayaw jumampi chicäscta, jumar khespiyañataquejja. Naya Tatituw uca arunacjja arsta.

Jeremías 17:16

Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Jeremías 18:23

Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 20:12

Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Jeremías 20:8

Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Lamentaciones 3:64

Jupanacarusti cunatejj waquisqui uqhamar uñjam, Tatay, luräwinacaparjama jupanacarojj uñjaraquim.

Lamentaciones 3:66

Tatay, jupanacarojj jach'a colerasiñamampi arctam, ¡aca oraketsti chhaktapjjaracpan!

Mateo 10:22

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Mateo 19:29

Uqhamaraqui take qhitinacatejj jaytanucuni utanacapa, jilanacapa, cullacanacapa, taycapa, awquipa, wawapa uqhamarac orakepsa naya laycu ucanacajja, patac cuti ucqhampwa catokapjjani, uqhamaraqui wiñay jacañampi.

Lucas 21:17

Take orakpacharaquiw uñisipjjätam naya laycu.

Romanos 12:19

Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”

Romanos 8:35

¿Qhitiraqui Criston munasiñapat apakestaspasti? ¿T'akhesiñati, jachañacha, llaquisiñacha, uñisitäñacha, pist'ayasiñacha, awtjayasiñacha, jan isinïñacha, jiwayatäñacha?

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

Jueces 16:28

Ucampis Sansón chachajj Diosaruw art'asïna: “Dios Tatitu, achict'assmawa jichha cutimpi nayat amtt'asitaya, ch'ama churita filisteonacaru pä nayrajjata phoksusiñajjataqui” sasa.