Jeremías 14:9 - Qullan Arunaca

⁹ ¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Aymar Bibliia 1986

⁹ ¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Qullan Arunaka DC

⁹ ¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Jeremías 14:9 Jak'a apnaqawi uñst'ayäwi

2 Crónicas 7:14

ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.

Salmos 10:1

Tatay, ¿cunatarac nayat jayanctasti? ¿Cunatarac t'akhesiñajjan nayat imantastasti?

Salmos 27:9

Janiquiy ajanum nayatac imantasimti, janiquiy k'apisiñamp jakonucustati, jumaquiw nayan arjjatirejjätajja; janiquiy sapac jaytanucustati, janirac jan arjjatirin antutistati, jumätaw Diosajjajja, khespiyirejjasa.

Salmos 46:5

Diosajj marcap taypinquiwa, jupaw imascani; Diosaw khanjtatpach marcaparojj yanapascani.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 43:7

take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Isaías 51:9

Sartasimay, sartasimay, Tatitun amparapa, ch'amañcht'asimay, sartasimay cunjämtejj nayrapachanacanjja sartasirïcta uqhama. Jumaw uca ajjsarcañ jach'a Rahab sat dragonarojj jisc'a jisc'a tucjtajja,

Isaías 59:1

Tatitun ch'amapajj janiw tucusquiti, jan khespiyañatacjamajja, janiraquiw jupajj okaras tuccaraquiti, jan ist'irjamajja.

Isaías 63:19

Janis jumajj cunapachas apnakapquitasamän uqhamäpjjtwa, janis cunapachas sutimjja apapquiriscäyät uqhama.

Jeremías 15:16

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Jeremías 51:5

Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Lamentaciones 5:20

¿Cunatraqui nanacarusti wiñayataqui armapjjetätasti? ¿Cunatraqui walja maranaca nanacaru apanucupjjetätasti?

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Habacuc 1:2

“Dios Tatay, ¿Cunapachcamasa arnakasëjja yanapt'ama mayisajja, jumasti janirac ist'quitätati? ¿Cunapachcamasa arnakasëjja aca t'akhesiñanacanjja, jumatejj jan nanacar khespiyir jutcät ucqhajja?

Zacarías 2:5

Ucampisa naya quipcaw mä nina uyjam Jerusalenar muyuntayäjja, marca taypinracwa jach'a cancañajj uñacht'ayäjja. Naya Tatituw arstjja.’ ”

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Hechos 15:17

Uqhamatwa maynïr jakenacajj takpachan Tatiturojj thakapjjani, cawquïr marcanacantejj sutejjajj aytatäqui uca marcanquir jakenacasa.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

Deuteronomio 28:10

Ucatsti take acapachan marcanacaw uñjapjjani, Diosan sutipajj jumjjan aytatätapa, ucatsti walirac ajjsarapjjätam.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

1 Samuel 12:22

Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.