Jeremías 14:18 - Qullan Arunaca

¹⁸ Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Aymar Bibliia 1986

¹⁸ Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Qullan Arunaka DC

¹⁸ Pamparuw mistta, ukansti nuwasïwin jiwaririnakan janchipak uñjta, markaruw mantanta, ukansti manq'atjam jiwaraskir jaqinakarukiw uñjarakta. Profetanakasa sacerdotenakasa, jan uñt'at jaya markanakaruw sarxapxaraki.’ ”

Jeremías 14:18 Jak'a apnaqawi uñst'ayäwi

Isaías 22:2

Marcasti ch'ajjwañampi, ojjoñanacampi phokhantatawa, aca marcajj cusist'añac munasqui. Juman jiwirinacamajj janiw espadan jiwayata jiwapquiti, janiraquiw guerransa jiwapquiti.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 23:21

“Janiw nayajj uca profetanacarojj qhitancti, janiraquiw jupanacarojj cuna arunacsa siscti, ucampisa jupanacajj nayan sutejjaru parlañataquejj jalacamaquiw jalsuwayapjjaraqui.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 6:13

“Takenisa, jisc'as jach'asa, lunthatasiñampi jicjjatañatacwa lup'isipquejja; profetanacasa, sacerdotenacasa, takeniw lunthatasiñaru catuyasipjje.

Jeremías 6:25

¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Jeremías 8:10

Ucatpï jichhajj warminacapjja yakhanacaru catuyäjja. Orakenacapsa yakhanacaruw catuyaraquëjja. Cunjämatejj jisc'as jach'asa, lunthatasiñampi ganañacwa amtasipqui; profetanacasa, sacerdotenacasa takeniw lunthatasiñaru catuyasipjje.

Lamentaciones 1:20

¡Tatay, nayan t'akhesitajj uñtanimaya! ¡Chuymajjasa waystañwa munitu! T'akhesiñaw chuymajjar llupt'itu; cunapachatejj juchajjata amthapista ucapachajja. Qhaya ankansti wawanacajjarojj espadampiw jiwarayapjje, aca mankhansa jiwañaquiw utjaraqui.

Lamentaciones 2:19

Sartasim, ucatsti arumanacas arnakasiraquim, ucqhat ucqharu arnakasiraquim; chuymamsti Tatitun nayrakataparu ucharaquim, umjama chuymamas jalaracpan; amparanacamsti juparu mayt'asisa loktaraquim, wawanacaman jacañapataquisa jupat mayiraquim, uca wawanacamasti calle esquinanacanwa mank'atjama jiwarasipcaraqui.

Lamentaciones 4:9

Qhitinacatejj guerran jiwarapjjäna ucanacajj samarjjapjjewa, cawquïrinacatejj mank'at jiwapqui ucanacat sipansa. Acanacasti juc'at juc'atwa jiwarasipqui, mank'añajj jan utjcjjatap laycu.

Ezequiel 7:15

Marca ankäjjanjja nuwasiñaw utji, mankhansti usunacampi mach'anacampiw utjaraqui. Pampanquirinacajj guerran jiwarapjjani, marcanquirinacasti mank'atjama, uqhamaraqui usunacampiw jiwarapjjaraquini.

Amós 4:6

“Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Deuteronomio 28:36

“Diosan munañapatwa jumasa, reyimasa yakha marcar apatäni, cawqha chektejj ni jumasa ni awquinacamasa uñjapquiti ucaru, uca chekansti yakha diosanacaruw yupaychapjjäta, lawata, kalat lurat diosanacaru.

Deuteronomio 28:64

Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.

2 Pedro 2:3

Kollker sinti chuyma churatäpjjatap laycojja c'ari yatichäwinacampejj jumanacatjja k'alwa take cunsa apsupjjätam, ucampis jupanacarojj t'unjatäñaquiw suyt'jje, nayratpacha juchañchatäpjjaraquiwa.