Jeremías 14:17 - Qullan Arunaca

¹⁷ Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Aymar Bibliia 1986

¹⁷ Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Qullan Arunaka DC

¹⁷ Jupanakarusti sarakim: ‘Nayranakaxatxa, jachanakax uruy aruma jan t'akt'as warasitpan, markaxan aynacht'atap layku, jach'a chhuxrip layku.

Jeremías 14:17 Jak'a apnaqawi uñst'ayäwi

2 Reyes 19:21

Tatitusti Asirianquiri reyip tokjja, aqham arunacwa arsüna: “Sión marcasti, mä tawakjamawa, juma Senaquerib reyit larustam. Jerusalenajj sawcasisaw p'ekep qhiwi, jumajj sarjjta ucqhajja.

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

Salmos 39:10

Janiquiy nayarojj juc'amp t'akhesiyistati, amparaman ch'amapajj tucjasquituwa.

Isaías 37:22

Tatitusti Asirianquir reyitjja aqham saraquiwa: “Senaquerib, Sión marcajj mä tawakjamaw jumatjja larusi. Cunapachatejj jumajj sarjjta ucqhajj Jerusalén marcajj p'eke qhiwisisaw larusi.

Jeremías 10:19

—¡Ay, cunaquïcan nayataquejja, aynacht'atätwa! “¡Chhojjrinacajjasti janiw kollañjamäcjjeti! ¡Nayasti amuyasisinjja aca llaquinaca apchëjjaya sasaw amtaraquïyäta!

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 8:18

Usuyasitajjajj janiw kollañjamäcjjeti, chuymajjas cawcst'araquituwa.

Jeremías 8:21

Marcajjan t'akhesitapampi chicaw t'akhesiracta; llaquisiñampi, ajjsarañampiw nayarojj muyuntitu.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Jeremías 9:18

¡Jïsa, janc'aqui jutapjjpan, ucatsti jiwasat wararipjjpan; nayranacasasti jachampi phokhantatäpan, nayra mankhanacasansti jachajj jilarquiriraquïpan!

Lamentaciones 2:11

Jachcäwisa nayrajj usjjetuwa, chuymas waystañjamacwa munjjetu. Jakenacajjan marcapa t'unjata uñjasajja, callenacan wawanacaru mank'atjama jiwarasquiri uñjasasa janiw ch'amajj utjcjjetuti.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Lamentaciones 2:18

Suma Sión marca, Tatitut yanapa mayim. ¡Jachanacamasa jawirar uñtata uruy aruma jalarayam! ¡Jachascaquim jan samart'asa, nayranacamasa janiraqui samarpati!

Amós 5:2

Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Miqueas 6:13

Ucatwa jichhajj mutuyäma, jucha luratam laycusti k'alwa aynacht'ayaraquïma.