Jeremías 14:15 - Qullan Arunaca

¹⁵ Naya Tatitusti saractwa: Uca profetanacarojja, cawquïrinacatejj nayan sutejjaru jan nayan qhitcata parlapjje, uqhamaraqui aca marcanjja janiw guerrajj utjcanit sapjje, ucanacarojj sistwa: Uca profetanacajj guerranacana mank'atjamasa jiwarapjjani.

Aymar Bibliia 1986

¹⁵ Naya Tatitusti saractwa: Uca profetanacarojja, cawquïrinacatejj nayan sutejjaru jan nayan qhitcata parlapjje, uqhamaraqui aca marcanjja janiw guerrajj utjcanit sapjje, ucanacarojj sistwa: Uca profetanacajj guerranacana mank'atjamasa jiwarapjjani.

Qullan Arunaka DC

¹⁵ Naya, Tatitusti saraktwa: Uka profetanakaruxa, khitinakatix nayan sutixar jan nayan khitkat parlapki, aka markan janiw nuwasiñax utjkaniti sapxaraki ukanakarux sistwa: Uka profetanakax manq'atjamaw jiwarapxani, jan ukax nuwasïwin tukusipxani.

Jeremías 14:15 Jak'a apnaqawi uñst'ayäwi

1 Reyes 22:25

Ucatsti Micaías profetajj sänwa: —Yatïtawa cunürutejj jumajj utat uta jalnakcäta imantasiñataqui ucüru —sasa.

Jeremías 20:6

Jumasti, Pasur, Babiloniaru apanucutaw uñjasiraquïta, takpacha familiamampi chica. Ucanwa jumajj jiwäta, ucanwa jumarojj imapjjaraquïtam, cawquïri amigonacamarutejj c'ari profecía arunaca parlcäyätas ucanacampi chica.’ ”

Jeremías 23:30

“Ucatwa nayajj uca c'ari profetanacataquejj sayt'tjja, cawquïrinacatejj jupanaccama nayan arunacajja lunthatasipjje ucanac toke. Naya Tatituw ucjja arsta.

Jeremías 27:15

Tatitusti saraquiwa: ‘Janiw nayajj ucanacarojj qhitancti’ sasa. Jupanacasti inaquiw Tatitun sutipjjaru parlasipquejja. Uqhamapï Tatitojj jumanacarojja apanucusin tucjapjjätamjja, uqhamaraquiw jumanacasa, uca c'ari profetanacasa cuntejj sapcayätam take ucanacasa jiwarapjjaraquiniwa” sasa.

Jeremías 6:15

¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Jeremías 8:13

Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Lamentaciones 1:19

Munirinacajjaruw yanap mayta, jupanacasti nayataquejj mayswa uñtjjapjje. Marcajjanquiri sacerdotenacasa, jilïri chuymani jakenacasa, pachpa marcanwa jiwarata uñjasipjje. ¡Mank'a thakasaw sarnakapjjaraqui; jan mank'atjama jiwascañataqui!

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Ezequiel 13:14

Cuna perktejj jumanacajj jank'or tucuyapcta ucsti liwinucüwa, pamparuw liwinucü, cimientonacapsa khanaruw apsuraquëjja. Jïsa, uca perkajj liwisiniwa, jumanacasti uca perkampi liwjjattataw jiwarapjjäta. Ucapachaw jumanacajj yatipjjäta nayan Tatitütajja.

Ezequiel 13:15

Uca perkataquisa uqhamaraqui qhitinacatejj uca perka jank'oru tucuyapqui ucanacjjarusa colerajjwa warjjatanëjja, ucat jakenacajj sapjjaraquini: ‘Janiw uca perkeri jakenacatjja maynis kheparcjjeti, ni uca perka jank'or tucuyirinacasa,

Ezequiel 13:9

Cawquïri profetanacatejj c'ari unañchäwinac uñjapjje, uqhamaraqui c'ari profecía arunacsa parlapjjaraqui ucanac tokew nayajj sayt'ä, jupanacar mutuyañataquisti amparajj aytä. Israel marcajjan tantachasïwinacapansti janiw cuna parlañanacapas utjcaraquiniti. Sutinacapasti janiw israelitanacan listapan kellkatäcaniti, janiw israelitanacan orakenacaparus mantapcaniti. Ucapachaw jumanacajj yatipjjäta nayan Tatitütajja.’

Ezequiel 14:10

Jisct'asir jakesa, uca profetasa juchanacapatjja panpachani mutuyatäniwa.

Ezequiel 14:9

“Mä profetatejj c'ari yatiyäwinac churani ucajja, nayaw uca profetarojj uqhama yatiyañapataqui lurtjja, ucampisa uca profetarojj mutuyasin Israel marcajjat chhaktayaraquëjja.

Ezequiel 33:6

Ucampisa uñch'uquiritejj uñisiriru jutasquiri uñjascchi, ucatsti janiraqui trompeta phust'caniti marcanquiri jakenacan amuyasipjjañapataqui, ucat uñisirinacajj purinisina mayniru jiwayani ucapachajja, uca jiwirejj juchap laycuw jiwascani; ucampisa nayajj ucan jiwatapatjja uñch'uquiriruwa wayt'araquëjja.’

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Miqueas 3:5

“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:

Deuteronomio 18:20

Ucampis cawquïri profetatejj nayan sutejjar parlañ munani, ucatsti parlaraquini cawquïri arunactejj nayajj jan juparu siscta ucanaca, uqhamaraqui yakha diosanacan sutiparu parlaraquini, uca profetasti juchañchasin jiwayatäniwa’ sasa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.