Jeremías 14:14 - Qullan Arunaca

¹⁴ Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Aymar Bibliia 1986

¹⁴ Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Qullan Arunaka DC

¹⁴ Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 14:14 Jak'a apnaqawi uñst'ayäwi

Isaías 56:10

marcajjar uñjirinacasti juyqhur tucutäpjjewa, janiw cunanacatsa amuyasipquiti. Take jupanacasti amutu anunacjamäpjjewa, janiraquiw wajt'asiñsa yatipquiti; sapürus liwirtasaquiw iquirasipqui, jupanacajj iquiñacpinwa wal munasipqui;

Isaías 9:15

(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)

Jeremías 20:6

Jumasti, Pasur, Babiloniaru apanucutaw uñjasiraquïta, takpacha familiamampi chica. Ucanwa jumajj jiwäta, ucanwa jumarojj imapjjaraquïtam, cawquïri amigonacamarutejj c'ari profecía arunaca parlcäyätas ucanacampi chica.’ ”

Jeremías 28:11

Uqham lurcasasti saraquïnwa take jakenac nayrakatana: Tatitojj aqham siwa: ‘Aca quipcaraquiwa, acat pä mararojj Babilonianquiri Nabucodonosor reyin yugopjja take marcanacata apakjjaraquï, ucatsti t'unjaraquïwa” sasa. Jeremiasasti ucatjja sarjjänwa.

Jeremías 28:13

“Saram ucatsti Hananiasaru saraquim, nayaw jumaru sisma: ‘Lawat lurata yugjja jisc'a jisc'wa t'unjtajja, ucampisa jichhajj nayajj jumataquejj hierrot lurat mä yugo waquicharapiracsma.

Jeremías 28:15

Uqhamasti Jeremiasajj Hananiasarojj sänwa: ¡Hananías, aca arunac ist'am! Janiw jumarojj Tatitojj qhitanctamti, ucampisa jumajj c'ari arunacwa aca marcarojj yatiyascaractajja, mä c'ari suyt'äwi churasajja.

Jeremías 29:21

“Colaías jaken yokapa Acab toketjja, Maasías jaken Sedequías yokapampitjja, Israelan Diosapa take ch'amani Tatitojj aqham siwa: ‘Qhitinacatejj jumanacaru, Tatitun sutipjjaru c'ari arunaca parljjayapjjtam, jupanacarojj Babilonia orakenquiri Nabucodonosor reyin amparaparuw catuyaraquï; uca reyisti jumanacan uñjcataraquiw pachpa jumanac nayrakatan jupanacarojj jiwarayani.

Jeremías 29:31

“Take qhitinacatejj uca jaya marcaru apanucuyatäpqui ucanacarusti aqham sasa ewjjaraquim. Naya Tatituw arsta: Niyaquejjay Nehelam chekanquiri Semaías jakejj nayan sutejj-jjaru uqham sasa parljjayapjjstamjja, nayasti janiw juparojj qhitancti, jumanacarusti c'ari arunacwa parljjayapjjtamjja.

Jeremías 37:19

¿Cawquincaraqui jichhasti uca profetanacasti, qhitinacatejj parlapcäna ‘Babilonianquir reyejj janiw jumanacarusa ni aca marcarusa nuwiri jutcaniti sapcäna ucanacasti?’

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 8:10

Ucatpï jichhajj warminacapjja yakhanacaru catuyäjja. Orakenacapsa yakhanacaruw catuyaraquëjja. Cunjämatejj jisc'as jach'asa, lunthatasiñampi ganañacwa amtasipqui; profetanacasa, sacerdotenacasa takeniw lunthatasiñaru catuyasipjje.

Jeremías 8:11

Marcajjan chhojjrinacapsti patatacwa kolljjatapjje, take cunas waliquïsquiwa sapjjaraquiwa, ucampisa take cunas janiw walïquiti.

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Ezequiel 12:24

Israelitanac taypinsti janipuniw utjcjjaniti c'ari unañchäwi uñjañajja, janiraquiw c'ari profecía arunac parlañas utjcjjaniti,

Ezequiel 13:2

“Israel marcanquir profetanac toke nayan sutejj-jjaru parlam, cawquïri profetanacatejj jupanacan amtatanacaparjamaqui parlapjje ucanac toke saraquim: ‘Tatitun arunacapa ist'apjjam:

Ezequiel 13:23

Ucatpï jichhajj jumanacajj jan mayampsa uca c'ari unañchäwinacam uñjcjjapjjätatejja, janiraquiw c'ari profecía arunacamsa juc'ampi parlcjjapjjätati; nayaw marcajjarojj jumanacan amparanacamat khespiyäjja, jumanacasti nayan Tatitütajj- jja ucapachaw uñt'apjjaraquïta.’ ”

Ezequiel 21:29

Unañchäwi uñjatanacapasti c'ariwa, cunatejj acat kheparu pascani ucanacat parlatanacapas c'ariraquiwa. Espadasti uca ñankha jake jiwayiri jakenacjjaruw puriraquini. Khepa mutuyäwi catokaña horasapasti niya jac'ancjjewa.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Zacarías 10:2

Yakha diosanacan arupajj c'ariwa, cuntejj yatirinacajj uñjapqui ucajj c'ariwa. Arsutanacapajj inamay samcanacaquiwa, chuymachasiñ arunacapasti ina ch'usaquiwa. Ucatwa marcajj uywa tamar uñtata inac aywinakjjejja, awatirinacjamaw t'akhesisquejja.

Zacarías 13:3

“Uqhamasti, cunapachatejj maynejj jutir urunacata arsuña munanejja, awquinacap quipcaw sapjjanejja: ‘¡Jumajj jiwañamaw, c'ari arunacam Tatitun arupat pasayañ munatam laycu!’ sasa. ¡Awquinacap pachpaw cuchillompi jununtapjjanejja cunapachatejj profetäña muncani ucqhajja!

Deuteronomio 18:20

Ucampis cawquïri profetatejj nayan sutejjar parlañ munani, ucatsti parlaraquini cawquïri arunactejj nayajj jan juparu siscta ucanaca, uqhamaraqui yakha diosanacan sutiparu parlaraquini, uca profetasti juchañchasin jiwayatäniwa’ sasa.

1 Timoteo 4:2

C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.