Jeremías 13:22 - Qullan Arunaca

²² Ucattejj jumajj jisct'asmajja ¿cunatsa acajj pasitu? sasa. Yatim ucajj uca jach'a juchanac luratam laycuwa; ¡ucatwa jichhajj k'alalsuyapjjtamjja, p'enkachapjjaractamjja!

Aymar Bibliia 1986

²² Ucattejj jumajj jisct'asmajja ¿cunatsa acajj pasitu? sasa. Yatim ucajj uca jach'a juchanac luratam laycuwa; ¡ucatwa jichhajj k'alalsuyapjjtamjja, p'enkachapjjaractamjja!

Qullan Arunaka DC

²² Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 13:22 Jak'a apnaqawi uñst'ayäwi

Isaías 20:4

Uqhamwa Asirianquir reyejj Egipcionacarusa Etiopenacarusa preso apani chuymani jakenacarusa, waynanacarusa, k'alala k'ara cayu aparaquini, ch'inas k'arpacha mä p'enka aparaquini.

Isaías 3:17

Jichhajj jupanacajj mutuyatäniwa p'eke k'ara sarnakañampi, jupanacasti jaken uñjcata k'alalsuyataraquïniwa.”

Isaías 47:8

Uca laycu, jichhajj aca arunac ist'am, suma c'achachatäñ munir warmi, tronomanjja c'uchiquiw konustajja, chuyma mankhamansti saractawa: ‘Nayaquïtwa, nayat sipan yakhajj janiw utjquiti. Janiw nayajj ijma uñjascäti, janiraquiw jan wawanis uñjascäti’ sasa.

Jeremías 13:26

Nayasti jumarojj k'alalsuyaraquïmawa, ucat mä p'enka irpnakaraquïma.

Jeremías 14:16

Cawquïri jakenacarutejj jupanacajj parlapqui ucanacasti, guerrana uqhamaraqui mank'atjamaw jiwarapjjaraquini, warminacapampi, yokalla, imilla wawanacapampi. Jiwat janchinacapasti Jerusalén callenacan jaktatäniwa, janiraquiw jupanacarojj qhiti imiris utjcaniti. Uqhamatwa juchapjja uñt'asiyä.

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Lamentaciones 1:8

Jerusalenajj sintpunwa juchañchjasiraqui, jisc'achayasiñcamaw juchañchjasiraqui. Qhitinacatejj nayrajj jach'aru aptapcän ucanacasti jichhajj jisc'achjjapjjaraquiwa, juparojj k'alala uñjapjjatap laycu. Ucatpï jichhajj jachasquejja, p'enkapatsti maysa uñtjjaraqui.

Ezequiel 23:26

Isinacamsa, suma yänacamsa aparapjjaraquïtamwa.

Oseas 12:8

Efrainasti saraquiwa: “Jïsa, kamiriw tucta, take cunwa jicjjatt'asiracta; ucampis janiraquiw qhitis juchañchquitaspati ganancianac uñjatajjatjja, lunthatasiñampi jicjjatasitajjatjja.”

Oseas 2:10

Munirinacapan uñjcañwa k'alalsuyäjja. ¡Janiw qhitis amparajjatjja khespiycaniti!

Oseas 2:3

Janitejj uqham sarnakañanacap apanuccanejja, k'alalsuyäwa, cunjämtejj taycapan puracapat nascänjja uqhama, ch'usa wasararuraquiw tucuyaraquï, waña orakeruw tucuyaraquï, ucatsti umatjamas jiwaraquiniwa.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Nahúm 3:5

Take ch'aman Tatitojj siwa: “Acanctwa juma contra sayt'añataqui; isimjja ajanumcamaw lluch'täma, uqhamat marcanacajj jumar k'alal uñjañapataqui, reinonacas p'enkamjja uñjapjjañapataqui.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Deuteronomio 18:21

Ucatsti chuymaman sapjjaraquïta: ‘¿Cunjämaraqui yatsna cuntejj parlasqui ucajj jan Diosan arunacapätapsti?’ sasa. Ucampis jumanacajj acanacjja sumwa amuyapjjañama:

Deuteronomio 7:17

“Inas jumanacajj chuymanacaman amuyapjjchïta: ‘Aca marcanacajj jiwasat sipansa juc'ampi jilt'atawa, ¿cunjämraqui t'unjapjjeriststi?’ sasa.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.