Jeremías 13:13 - Qullan Arunaca

¹³ Jumasti ucjjarojj saraquïtawa: ‘Tatitojj siwa: Take aca marcan utjirinacarusti macharayäwa; Davidan tronopan kont'asiri reyinacarusa, sacerdotenacarusa, profetanacarusa, uqhamaraqui take qhitinacatejj Jerusalén marcana jacapqui ucanacarusa.

Aymar Bibliia 1986

¹³ Jumasti ucjjarojj saraquïtawa: ‘Tatitojj siwa: Take aca marcan utjirinacarusti macharayäwa; Davidan tronopan kont'asiri reyinacarusa, sacerdotenacarusa, profetanacarusa, uqhamaraqui take qhitinacatejj Jerusalén marcana jacapqui ucanacarusa.

Qullan Arunaka DC

¹³ Jumasti ukxarux sarakïtawa: ‘Tatitux siwa: Taqi aka markan utjirinakaru, Davidan reyi qunuñapan qunt'asiri reyinakaru, sacerdotenakaru, profetanakaru, Jerusalén markan jakirinakaruw vinompi machjayä.

Jeremías 13:13 Jak'a apnaqawi uñst'ayäwi

Salmos 60:3

Marcamarojj jach'a yant'anacampiw t'akhesiytajja, lokheptayir vino churapjjestajja;

Salmos 75:8

Tatitojj k'apisiñ copa ast'atawa, t'amantat phokha vinon vasowa: orakenquir ñankha lurir jakenacasti konchumppach umantapjjani.

Isaías 29:9

¡Jumanacasti, jakenaca, uqham lokhequïsipcam! ¡Juyqhuquïsipcam, jan cuns uñjasa! ¡Umatanacjam liwinaktasipcaquim, jan machjayiri umanac umapcsta ucasa!

Isaías 49:26

Jumar t'akhesiyirinacarusti pachpa janchip mank'asiyä, wilapampisti vinompjamaraquiw macharapjjani. Uqhamatwa take jakenacajj yatipjjani naya Tatitojj juman khespiyirimätajja, nayätwa Jacobon ch'amanipajja, khespiyirimasa.”

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 51:21

Ucatpï, jan cunan marca, acanac ist'amaya, jumajj machatätawa, ucampis janiw vinompiti;

Isaías 63:6

Coleratajja, k'alpun marcanacarojj t'unjta, colerasiñajjampiraquiw jupanacarojj tucjtjja, wilanacapsti orakenjam llumiyaractjja.

Jeremías 13:12

“Jupanacarusti saraquim: ‘Israelan Tatitu Diosapajj siwa: Cawquïri sañurus vinjja phokhantacsnawa’ sasa. Israelitanacasti ucjjarojj sapjjaraquïtamwa: ‘¿Janit nanacasti yatipctsti cawquïri sañurus vino phokhantataquïspa ucjja?’ sasa.

Jeremías 25:27

Ucatsti Tatitojj saraquituwa: “Jupanacarusti saraquim, naya, take ch'amani Tatitu, Israelan Diosapaw arsta, machjasiñcama, wak'jasiñcama, jan mayampi sartcjjañataqui oraker liwirtapjjañapcama umapjjpan, janiraquiw mayampisa sartcjjapjjaniti cuna guerranactejj nayajj jupanacaru apayancä uca laycu.

Jeremías 25:29

Jichhasti mutuyäwinacajj apayanï cawquïri marcatejj nayataqui yakhachatäcäna uca marcjjarojja. ¿Jumanacasti amuyapjjtati jan mutuyataqui kheparañjja? Janiw uqhamaqui jumanacajj kheparapcätati, guerran nuwasiñsti take acapachanquir jakenacjjaruw apayanï. Naya Tatituw ucjja arsta.’

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Jeremías 51:7

Babiloniasti nayan amparajjanjja mä kori copjamänwa, take aca orakpacharu umjayiriraquïnwa. Marcanacasti uca vino umapjjänjja, k'alwa p'eksa muytayaraquïnjja.

Habacuc 2:16

Jach'añchasïwi lantjja, p'enkasiñampiw isthapisïtajja, Dios Tatituw churaraquïtam mä copa umt'añamataqui ucaw uñacht'ayätamjja juman k'alaquïtama, jach'a luräwinacamsa jisc'aruraquiw tucuyani.