Jeremías 12:5 - Qullan Arunaca

⁵ “Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

Aymar Bibliia 1986

⁵ “Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

Qullan Arunaka DC

⁵ “Kayut jalir jaqinakampi jalasatix wal qarstaxa, ¿kunjämarak caballot jalir jaqinakamp chik jalätasti? Suma uraqinxa k'uchikïsktawa, ukampis ¿Jordán tuqin walja alinak taypin kamacht'ätasa?

Jeremías 12:5 Jak'a apnaqawi uñst'ayäwi

1 Crónicas 12:15

Jupanacaraquiw jallupachanjja Jordán jawirjja maqhatapjjäna, cunapachatï jawirajj wali jilarascäna ucqhajja, ucatsti jupanacajj jaltayapjjänwa take qhitinacatejj uca vallenacan jacapcäna ucanacaru, inti jalanta tokeru, uqhamarac inti jalsu tokerusa.

Salmos 42:7

Mic'ay mankhanacatpach ist'asi, uma waraktaman khothutinacapajja; juman apayanit llojjma uma waraktanacajj, naya patjja llumiquipi.

Proverbios 24:10

T'akhesiña horasantejj mayjt'asïta ucapachajja, juc'a ch'amaniquiwa jicjjatasjjäta.

Proverbios 3:11

Munat wawajjay, jan jisc'achamti Tatitun jumar chekachataparojja, janirac tokenokatapatsa colerasimti;

Jeremías 11:21

Anatot chekan jaquir jakenacarusti, cawquïrinacatejj nayar jiwayañ amtapquitäna, ucatsti sapjjaraquitänwa: “Jan Tatitun sutipjjaru juc'ampi parlcjjamti, uqhamatsti janiw jiwayapcämäti” sasa.

Jeremías 26:8

Cunapachatejj jupajj take cuntï Tatitojj parlañataqui churcatayna uca arunaca tucuyjjän ucqhasti, sacerdotenacas, profetanacasa, take jakenacasa Jeremiasaru catuntasinjja sapjjänwa “¡Jichhaw jumajj jiwätajja!

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Jeremías 49:19

Acatjamatwa nayajj jutaraquï, Jordán tokenquiri pastonac taypit mistunir leonjama, cawquïri leonatejj suma pastonacajj utjqui ucsaru sarquejj uqhama, ucatsti Edom marcanquiri jakenacjja jaltayaraquïwa, cawquïrirutejj nayajj ajlliscä ucaw apnakaraquini. ¿Qhitiraqui nayampi chicachasispa? ¿Qhitis nayataqui sayt'asiraquispa? ¿Cawquïri awatirisa nayataqui sayt'asiraquispa?

Jeremías 50:44

“Cunjämatejj mä leonajj Jordán tokenquiri pastonac taypita thoksunejja, ucatsti cawqhantejj suma pastonacajj utjqui uca chekaru liwnoktejja uqhamaraquiw nayajj mistunï, uca chekatsti Babilonianquiri jakenacarojj jaltayaraquïwa, ucatsti cawquïri jaktejj nayajj ajllisctjja aca marca apnakañapataqui ucampiw apnakayaraquï. ¿Qhitis nayampi chicachasispa? ¿Qhitisa nayatac sayt'asiraquispa? ¿Qhiti awatiris nayatac sayt'asispajja?

Josué 3:15

Ucampis cunapachatejj sacerdotenacajj jawiraru puripcän ucatsti cayunacapa jawir lacar tact'asinjja, jurichjasipjjän ucqhajj (Jordán jawirajj cosecha tiempojj walja umaniw manti),

1 Pedro 4:12

Munat jilatanaca, jan mayjt'asipjjamti uca jach'a yant'anaca jumanacjjaru jutatapatjja, mä cuna jan walis jutcaspa uqhama.