Jeremías 11:22 - Qullan Arunaca

²² Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Aymar Bibliia 1986

²² Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Qullan Arunaka DC

²² Taqi ch'aman Tatitux jupanakarux siwa: “Jumanakampix parlaskañäniwa. Yuqall wawanakamax nuwasïwin jiwarapxani, imill wawanakamasti manq'atjamaw jiwarapxarakini.

Jeremías 11:22 Jak'a apnaqawi uñst'ayäwi

2 Crónicas 36:17

Ucatsti Tatitojj jupanac tokejj jutantayänwa caldeonacan reyiparu, templo pachparuwa waynanacarojja cuchillompi jiwarayäna, janiw qhititsa qhuyapt'ayascänti waynanacatsa, tawakonacatsa, awquinacatsa, cojonacatsa. Takeniruwa Tatitojj amparaparcama catuyäna.

Jeremías 18:21

¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 21:14

Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 44:13

Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Jeremías 49:26

Uca urusti waynanacajj callenacan liwirtapjjani, guerran nuwasiri jakenacapasti thiyataw jiwarapjjaraquini. Naya take ch'amani Tatituw ucjja arsta.

Jeremías 9:21

“Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Lamentaciones 2:21

Callenacansti waynanacampi, chuymani jakenacampiquiw jiwarata liwirtasipqui; marcajjanquiri waynanacasa, tawakonacasa, espadampi jiwarayataw uñjasipjje, colerasiñama urunsti jiwarayañcamaw chhojjriñchjaractajja; ¡jan qhuyapt'ayasisaw jiwarayaractajja!

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.