Isaías 8:8 - Qullan Arunaca

⁸ Judá orakcamaw pasaraquini, chhaktayaraquiniwa, umacamaquiraquïniwa, cuncacamaraquiw purini. Chhekha ayatatata jamach'jamäniwa, Emanuel, orakemjja k'al chhaktayaraquini.”

Aymar Bibliia 1986

⁸ Judá orakcamaw pasaraquini, chhaktayaraquiniwa, umacamaquiraquïniwa, cuncacamaraquiw purini. Chhekha ayatatata jamach'jamäniwa, Emanuel, orakemjja k'al chhaktayaraquini.”

Qullan Arunaka DC

⁸ Uka uñisir asirionakax Judá uraqkamaw puripxani, uka umax q'al chhaqtayani, mä pakar uñtataw thuqxatani, chhiqhanakap ayatatasaw uka uraqir jalxatani, Emanuel sat suma uraqirux q'al chhaqtayani.”

Isaías 8:8 Jak'a apnaqawi uñst'ayäwi

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

2 Crónicas 12:4

Jupanacasti catuntasipjjänwa Judá oraken nuwasiñatac lurat marcanaca, ucatsti Jerusalencamaw purinipjjäna.

Isaías 10:6

Jichhajj mä ñankha marcar nuwjam sistwa, nayar ñankha lurir marcaru, uqhamat k'al lunthatjañapataqui, uqhamaraqui kamir cancañapsa apakañapataqui, taquisiñapataqui callenquir ñek'er uñtata.

Isaías 30:28

samanapasti mä jach'a jawirat jilarquir umanacjamawa, uca umanacasti cuncacama puririraquiwa; jupasti mä jach'a ch'amani t'akhesiñwa marcanacatac apani, uqhamat aynacht'ayañataqui, marcanacan lacanacaparusti frenompjamaw uchanti uqhamat maysar saranucuyañataqui.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Isaías 7:17

“Tatituw jumjjarojj jutayani, marcamjjaru, reyin utapjjarusa, cawquïri urunacatejj jan jutcäna uca urunaca, Efrainajj Judá marcatjja yakhaktcäna uca urunacatpacha.” (Acajj Asirian reyiparuw sañ muni).

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Jeremías 47:2

“Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Jeremías 48:40

Tatitojj siwa: “Moab marcan uñisiripajj jupataquiw jutanti chhekha janatatata allkamarir uñtata.

Jeremías 51:42

Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Ezequiel 17:3

Ucatsti saraquim: ‘Aqham siw Tatitojja: Mä jach'a pacaw Líbano kollurojj purini, chhekhanacapasti sinti jach'anacänwa, cunayman casta color phuyunacaniraquïnwa. Cedro sat lawa acht'ataraquiwa,

Ezequiel 26:19

Tatitusti aqham saraquiwa: “Jumarojj K'ala t'unjata apanucuraquïma, jan jakenacani marca tucuyaraquïma. Jach'a kotanquiri umanacampiw chhaktayäma,

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Miqueas 1:9

Samarian chhojjripasti jan kollcayawa, Judá marcarus puriwa, Jerusalenarus uqhamaraqui, cawqui marcantejj nayan wawanacajjajj jacqui ucacama.

Miqueas 5:5

Jupawa sumancañjja apanini. Cunapachatejj Asiria marcanquir jakenacajj marcasar mantanipcani, uqhamarac palacionacasarus mantapcani ucqhajja, jupanac contrasti pakallko jilïrinaca qhitañäni, quimsakallko wali aytat jakenacamp cuna.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).