Isaías 6:2 - Qullan Arunaca

² Ninjam c'ajquir angelanacaraquiw jupa patancapjjänjja. Sapa mayniraquiw ucanacajj sojjta chhekhancamäpjjänjja. Pä chhekhampisti ajanupwa imantapjjänjja, payampisti, cayunacapraqui; payampisti jalnakapjjaraquïnwa.

Aymar Bibliia 1986

² Ninjam c'ajquir angelanacaraquiw jupa patancapjjänjja. Sapa mayniraquiw ucanacajj sojjta chhekhancamäpjjänjja. Pä chhekhampisti ajanupwa imantapjjänjja, payampisti, cayunacapraqui; payampisti jalnakapjjaraquïnwa.

Qullan Arunaka DC

² Ninjam k'ajkir serafines satanakaw jupa patxankapxäna. Sapa mayniw suxta chhiqhankamäpxäna. Pä chhiqhampix ajanup imantasipxäna, payampisti, jikhanit aynacharuw imt'asipxäna; payampisti jalnaqapxarakïnwa.

Isaías 6:2 Jak'a apnaqawi uñst'ayäwi

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

1 Reyes 19:13

Uc ist'asinsti Eliasajj ajanupwa capapampi imantasïna, ucatsti mistunisinjja uca putu mantañawjaruw kheparäna. Uqhamäsquiriruwa mä arojj juparu jutäna, aqham sasa: “¿Elías cuns acan lurasctajja?” sasa.

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

1 Reyes 6:24

sapa maya chhekhanacapasti pä metro pä tunca pheskani centimetronïnwa. Uqhamasti mä chhekha puntata maya chhekha puntacamasti pusi metro chicataniw tupt'asïna.

1 Reyes 6:27

Salomonasti ucanacjja Kollana Templo mankheruw ucharaquïna. Uca angelan chhekha puntapasti mä perkaruw purïna, mayninsti maysa perkaruraqui, ucjjar paya chhekha puntanacapasti jiquisiraquïnwa chicachica Kollanawjana.

1 Reyes 8:7

Uca angelanacasti chhekhanacapa ayatatatäpjjänwa cawqhanccäntejj arcajj ucqharu, uqhamatwa angelanacajj arcaru imt'apjjäna uqhamarac callañ lawanacapamppacha.

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Job 1:6

Mä urojj Tatitun ucaruwa uñstiri jutapjjäna alajjpachanquir Diosan sirvirinacapajja, jupanacampi chicasti Supayajj jutaraquïnwa.

Job 15:15

Pachpa angelanacas Diosataquejj jan asquïcchi ucajja, janirac pachpa alajjpachasa k'omäcaracchi ucapachajja,

Job 4:18

Janiw pachpa alajjpachanquiri sirvirinacaparus take chuyma uñjquiti, Diosajj angelanacapan pantjasitanacapsa jicjjatiwa,

Salmos 103:20

Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.

Salmos 104:4

Thayanacajj qhitanacamawa, nina lawranacasti arsutam phokherinacawa.

Salmos 18:10

mä angelan chhekhapjjaruw konjjatäna, thayan chhekhanacap patanjam jaltäna,

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Éxodo 25:20

Aca querubines sat angelanacsti purap uñthapisitwa uchäta, arca taparu uñjjatatcama, chhekhanacapasti arca tapa patjjaru janjjatatcamäñapawa imjjatañataqui.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 37:9

Ucampis uca pä angelanacajj purapa uñthapisita arca tapa uñjjatatäpjjänwa, ucatsti chhekhanacapampejj arca taparuraquiw janjjatapjjäna.

Isaías 6:6

Ucapachawa uca mayni ninjam c'ajquir angelajj nayan ucar jalani. Mä tenazampiraquiw apjjäsiscäna altarat aptanit mä nina sanc'a,

Ezequiel 1:11

Chhekhanacapasti amsta tokeruw janatattapjjaraquïna. Ucanacat paninisti jupanaccamaw jiquintasipjjaraquïna, payïrimpisti cuerponacapwa imantasipjjaraquïnjja.

Ezequiel 1:24

Cunapachatejj uca pusinejj sarantapjjäna ucapachasti uca chhekhanacapan suenatapjja ist'aractwa, uca suenatapasti mä jach'a jawiran umanacapjamänwa, take ch'amani Diosan arupjamaraquïnwa, mä walja soldadonacan saratapäcaspas uqhamaraquïnwa. Cunapachatejj sayt'apjjäna ucapachasti uca chhekhanacapajj janaktjjapjjaraquïnwa.

Ezequiel 1:4

Ucatsti uñjaractwa amsta toket mä jach'a tutuca thayar uñtata jutasquiri; mä jach'a kenayatsti ninaraquiw mistuscäna llijullijur uñtata, ucaru muytatasti mä jach'a khanaw khanascaraquïna. Uca nina taypinsti mayaw c'ajascaraquïna mä suma metaläcaspas uqhamaw llijunïna,

Ezequiel 1:6

Ucanacatsti sapa mayniw pusi ajanuni uqhamaraqui pusi chhekhanacani uqhamapjjäna,

Ezequiel 10:16

Uca angelanacasti sartapjjänwa, cunapachatejj jupanacajj sartapjjän ucapachasti uca ruedanacajj jupanac chicaraquiwa sartapjjäna; cunapachatejj uca chhekhanacajj thoktapjjän ucapachasti uca ruedanacajj janiw jupanacatjja jithektapcaraquïnti;

Ezequiel 10:21

Sapa maynis pusi chhekhanacani uqhamaraqui pusi ajanuni uqhamäpjjaraquïnwa, uca chhekhanacapa c'uchunsti uñstaraquïnwa mä jake amparäcaspas uqhama.

Daniel (hebreo) 7:10

Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.

Daniel (hebreo) 9:21

Uqhama mayisquipansti, Gabriel sat angelawa cawquïritejj unañchäwi uñjcäyät ucan uñstquitäna ucaw cawqhancäyättejj ucqharu juti. Uca horasasti niya Diosar jayp'u sacrificio loktañ horasänwa.

Zacarías 3:4

Ucatjja angelajj saraquiwa yanapirinacaparu Josué chacharu uca k'añu isinacap apsuñapataqui. Ucatsti juparojj saraquiwa: “Uñjam, ucajj sañ muni juchanacamjj apakjjsmawa. Jichhasti fiesta isinacampiw isintayayämajja” sasa.

Lucas 1:10

Cunapachatï jupajj incienso loktascän ucqhajja, take jakenacajj ankäjjan Tatitut mayisipcäna.

Hebreos 1:7

Angelanac toketjja Diosajj saraquiwa: “Angelanacajj thayjamäpjjpan, sirvirinacapasti nina akerinacjamaraquïpan” sasa.

Apocalipsis 14:6

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 7:11

Take angelanacasti trono muytata sayaratäpjjaraquïnwa, uca jilïrinacaru, uca pusi jacasquirinacarusa muytata. Ucatsti orakcama alintasaw quillt'asipjjäna tronon nayrakatapana, Diosarusti yupaychapjjaraquïnwa

Apocalipsis 8:13

Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!”