Isaías 57:2 - Qullan Arunaca

² samarañaru mantjjapjjatapatjja. Cheka thacwa jupanacajj sarapjjäna, jichhasti sepulturanacapan samarasipqui.

Aymar Bibliia 1986

² samarañaru mantjjapjjatapatjja. Cheka thacwa jupanacajj sarapjjäna, jichhasti sepulturanacapan samarasipqui.

Qullan Arunaka DC

² Jupanakax nayaruw taqi kunan iyawsawayapxitu, jichhasti imantatäpki ukan suman samarasipki.

Isaías 57:2 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

2 Crónicas 16:14

ucatsti imt'jjapjjänwa cawquïr sepulturtejj jupajj lurayascäna Davidan marcapana ucaru. Amayapsti mä callañaruwa uchapjjäna, k'apquir kollanacani, uqhamarac wali yatiñampi take casta wacsuyata suma k'apquiri kollanacampi phokhantata. Ucjjarojja jupan sutiparojja mä jach'a ninwa naqhayapjjaraquïna.

Job 3:17

Sepulturanjja khoru jakenacan jan wali lurañanacapajj tucusjjewa, karitanacas samarañ jicjjatjjapjjaraqui;

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Isaías 14:18

Take marcanacanquir reyinacasti sumacwa samarasjjapjjani, sapakat maynis sepulturanacapana;

Isaías 26:7

Asqui jakenacan sarnakäwinacapajj chekapawa; Tata, jumaraquiw jupanacan thaquipsa qhusqhachtajja.

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Ezequiel 32:25

Elam marcasti jiwarat soldadonacap taypincaraquiwa, take jupanacasti Diosar jan uñt'irinaca, guerran jiwaririnacäpjjaraquiwa. Jichhasti sepulturaparu muyuntatäpjjewa. Jaquirinac taypinsti ajjsarcañanacwa sartayapjjaraqui, jichhasti jan yäkataraquiw jiwatanac taypincasqui. Jaken jiwarayata jakenac taypincaraquiwa.

Daniel (hebreo) 12:13

Ucampisa juma, Daniel, tucuyäwima tokeru sarascaquim, ucatsti samart'araquim, khepa urunacanwa sartasjjaraquïta, cunatejj wact'cätam uca catokañamataqui’ sasa.

Mateo 25:21

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Lucas 16:22

Mä uruw uca pobre jakejj jiwjjäna, ucatsti angelanacaw juparojj paraisor apjjapjjäna, Abrahamampïñapataqui. Kamir jakejj jiwjjaraquïnwa, juparusti imantjjapjjaraquïnwa.

Lucas 2:29

“Tata, jichhacuchaw cusisita jiwjjä. Cuntejj sirvirimarojj arsctas uca arunacamarojj phokjjtawa.

Lucas 7:50

Ucampis Jesusajj warmirojj sänwa: —Iyawsatam laycuw khespiyatätajja, jichhajj cusisitaqui sarjjam —sasa.

2 Corintios 5:1

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

2 Corintios 5:8

Ucatsti take iyawsañaw utjistu, ucampis jiwjjañacwa munsnajja Tatitumpi jaquir sarjjañataqui.

Filipenses 1:23

Nayataquejj wali ch'amawa aca payat cawquïri ajllisiñasa, mä toketjja jiwañ munirista ucat Cristompi chicäjjañataqui, ucasti nayataquejj juc'amp sumäspawa.

Apocalipsis 14:13

Ucatsti mä aru ist'ta alajjpachat art'asisinquiri: “Ac kellkam: ‘Cusisiñanïpjjewa qhitinacatejj acat ucsaru Tatitur iyawsasa jiwapqui ucanacajja.’ “Jïsa,” uqham siwa Kollan Ajayojja, jupanacasti lurañanacapatjja samarjjapjjaniwa, ucampis luratanacapajj jupanac chicapunïscaniwa” sasa.