Isaías 48:2 - Qullan Arunaca

² Kollana marcan jacasirïtwa saractawa, Israelan Diosaparuraquiw iyawstajja, sutipasti take ch'amani Tatitu satawa.

Aymar Bibliia 1986

² Kollana marcan jacasirïtwa saractawa, Israelan Diosaparuraquiw iyawstajja, sutipasti take ch'amani Tatitu satawa.

Qullan Arunaka DC

² Jerusalén markan jakasirïtwa sistawa, Israelan Diosaparuw iyawsta, sutipasti taqi ch'amani Tatituwa, saraktawa.

Isaías 48:2 Jak'a apnaqawi uñst'ayäwi

Nehemías 11:1

Marcana jilïrinacapasti Jerusalén marcanwa utt'asipjjäna; ucjjaru jilt'iri jakenacajja suertwa jaktapjjäna tunca familiatjja maya familia Jerusalén kollan marcar jaquir sarañapataqui, uqhamaraqui llätunca familianacasti yakha marcanacana jacapjjañapataquiraqui.

Nehemías 11:18

Levitanacata Jerusalén kollan marcar takpach kheparirinacasti, pä pataca quimsakallk tunca pusinïpjjänwa.

Salmos 48:1

¡Tatitojj jach'a ch'amaniwa! Diosasajj jach'añchatäñataquejj asquiwa, kollan marcapansa, kollan kollupansa.

Salmos 87:3

Diosan marcapa, wali aytcañanacaw jumjjat yatiyasi:

Isaías 10:20

Uca urunacanjja mä juc'ani Israelat jilt'irinacajja, qhitinacatejj Jacobon marcapat khespipcatayna ucanacajj janiw juc'ampi qhitinacatejj jupanacaru t'unjcatayna ucanacarojj jakcattapcaniti. Jan ucasti take ch'amampiw Israelan Kollan Diosaparojj jakcattapjjani.

Isaías 47:4

Jiwasan khespiyirisajja, Israelan Kollan Diosapajja, qhititejj take ch'amani Tatitu satäqui ucajj siwa:

Isaías 51:13

¿Qhititejj alajjpachsa, acapachsa lurqui uca Tatitu Diosamatjja armasïtati, qhititejj alajjpacha janatati, oraksa utt'ayaraqui ucatjja? ¿Qhitinacatejj jumar tucjañataquejj jac'ancqui, wali colerata uñch'uquisctam ucanacataquejj qhathatiscaquïtati? Ucampis ¿cawquinquis colerasiñapajja?

Isaías 51:15

“Nayätwa Tatitu Diosamajja, sutejjasti Take Ch'amani Tatitu satawa; nayaw jach'a kotjja onjjtayta, ucat mathapinacas wararipjjaraquiwa,

Isaías 52:1

Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 44:26

Ucampisa, take jumanaca, qhitinacatejj Judá oraket aca Egipto oraker jaquiri jutapcta ucanaca, ist'apjjam, cuntejj naya Tatitojj sapcsma uca arunaca: Nayajj juramentompiw arsta, jach'a sutejj-jjaruraquiw arsta, jumanaca, Judá oraket jutir jakenaca, janipuniw maynis sutejj-jja aca Egipto orakenjja arscaniti: ‘Tatitun sutipjjaru’ sasajja.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Mateo 27:53

ucatsti mistunjjapjjänwa. Cunapachatï Jesusajj jacatatawaycän uca khepatjja Jerusalén kollan marcaruw mantapjjaraquïna, ucansti walja jakenacaraquiw uñjapjjatayna.

Mateo 4:5

Supayasti ucqhajja kollan Jerusalén marcaruw irpäna, purisinsti templo patjjaruw irpsuraquïna.

Romanos 2:17

Jumajj: “Judiöt” sistawa, Moisesan leyiparjamaraquiw catuyastajja, ucatsti jach'a jach'araquiw tuctajja Diosamatjja.

Apocalipsis 11:2

Ucampis ankäjj patiöquis ucjja janiw tupt'ätati. Uca patiosti jan judiöpquis uca jakenacaru catuyatäjjewa. Uca jakenacasti pusi tunca payani phajjsiraquiw aca Tatitun k'oma marcapjja taquisipjjani.

Apocalipsis 21:2

Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.

Apocalipsis 22:19

Qhititejj apakani aca libron kellkatäquis uca Diosan arunacapatjja, Diosajj juparojj jacañ librot apsuraquiniwa, uqhamarac marcapatsa. Ucanacasti aca libron kellkatawa.

Jueces 17:13

Ucatsti Micaiajj saraquïnwa: “Jichhacuchawa Diosajj bendicitani, mä levita sacerdotenïtwa” sasa.