Isaías 39:3 - Qullan Arunaca

³ Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.

Aymar Bibliia 1986

³ Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.

Qullan Arunaka DC

³ Ukat Isaías profetax Ezequías reyin ukar uñjiriw saräna, juparusti jiskt'arakïnwa: —¿Kawkitsa uka jaqinakax jutapxatayna, kamsapxaraktamsti? —sasa. Ezequiasasti sarakïnwa: —Babilonia uka jaya markat jutapxatayna —sasa.

Isaías 39:3 Jak'a apnaqawi uñst'ayäwi

2 Samuel 12:1

Tatitusti Natán profetaruw qhitaraquïna Davidar uñjiri sarañapataqui. Natanasti Davidan nayrakataparu uñstasinsti saraquïnwa: —Mä marcan pani jakew utjäna. Maynejj kamirïnwa, maynisti pobreraqui.

2 Crónicas 16:7

Uca urunacansti Hanani profetajja Judá marcanquiri Asa reyin ucar uñt'iriw saräna, aqham siri: “Siria marcanquiri reyin ejercitopajja jumarojj apanucjjtamwa, Tatitu Diosamaru jan iyawsatam laycu, jan ucasti Siria marcanquir reyiru alcatasitam laycu.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

2 Crónicas 25:15

Tatitusti Amasías reyitaquiw colerasïna, ucatsti mä profetaruw qhitanïna aqham sañapataqui: —¿Cunatsa jumajj yakha marcanquir diosanacapan ucar sarta, cawquïrinacatejj jumarojj jan khespiycäyätam ucarojja? —sasa.

Isaías 38:1

Uca urunacasti Ezequías reyejj walpun usuntäna, Amoz chachan yokapa Isaías profetaw uñjir saräna, saraquïnwa: “Tatitojj aqham siwa: ‘Cuna ewjjanacsa familiamarojj ewjjt'asiwayjjam, jichhajj jiwjjätawa, janiw kollascätati” —sasa.

Isaías 38:5

“Ezequiasan ucar saram ucat saraquim: ‘David awquiman Tatitu Diosapajj siwa: ‘Nayajj mayisitamjja ist'twa, jachatamsa uñjaractwa. Tunca pheskan marampiw jacayascäma.

Isaías 39:4

Isaiasasti jisct'ascaquïnwa: —¿Cunrac palaciomansti uñjapjjesti? —sasa. Ezequiasasti saraquïnwa: —Take cunatejj palaciojjan utjqui ucanacwa uñjapjje, utanacajjatsti janiraquiw cunas imt'asquiti —sasa.

Jeremías 4:16

“Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Jeremías 5:15

Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;

Josué 9:6

Cunapachatejj gabaonit jakenacajj Gilgal sat israelitanacan campamentopar puripjjän ucqhajj, jupanacajj aqham sasaw Josué chacharojj sapjjäna: —Nanacajj wali jaya oraket jutapjjta, jichhasti jumanacampi mä suma amtäwiruw mantañ munapjjta —sasa.

Josué 9:9

Jupanacasti sapjjänwa: —Nanacajj wali jaya marcat jutapjjta. Diosaman jach'a ch'amanïtap yatipjjta, cuntï Egipto marcampejj lurcatayna ucsa yatipjjaractwa, ucat jichhajj jutapjjta,