Isaías 38:3 - Qullan Arunaca

³ “Tata, nayajj achict'assmawa, amtasimaya cunjämtejj take chuymajjampi jumar sirvcsma uca, cunjämarutejj jumajj muncta uqhamarjamaw sirvsma” sasa. Ezequiasasti walpun jachäna.

Aymar Bibliia 1986

³ “Tata, nayajj achict'assmawa, amtasimaya cunjämtejj take chuymajjampi jumar sirvcsma uca, cunjämarutejj jumajj muncta uqhamarjamaw sirvsma” sasa. Ezequiasasti walpun jachäna.

Qullan Arunaka DC

³ “Tatay, nayax achikt'assmawa, kunjämtix taqi chuymaxampi jumar arksma uk amtasimaya, kunjämarutix jumax munkta ukhamarjam lurkta uksa amtasirakimaya” sasa. Ukatsti Ezequiasax walpun jachäna.

Isaías 38:3 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 6:9

Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

1 Reyes 15:14

Janisa c'ari diosanacana santuario utanacapa apanucutäcchïna ucasa, Asajj Tatitumpejja suma asquinwa saräna.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

2 Reyes 18:3

Ezequías reyin luratanacapasti Tatitun nayrakatapanjja asquinacänwa, cunjämatï David nayra awquipanjamaraqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

1 Crónicas 29:19

Salomón wawajjarusti take chuymäña churam, camachi arunacama phokhañapataqui, uqhamarac ewjjanacama, leyinacama, take ucanacaru phokhasina, ucatsti templo lurayañapataqui, nayajj ucataquiraquiw waquicharacta” sasa.

1 Crónicas 29:9

Jakenacasti uqham walja churapjjatapatjja walwa cusisipjjäna, jupanacajj take chuymawa Tatitur churapjjäna uca laycu. David reyisa wali cusisitaraquïnwa.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

2 Crónicas 25:2

Amasiasana luratanacapasti Tatitun nayrakatapanjja chekapänwa, ucampis janiw sarnakcänti suma cheka chuymampi.

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Nehemías 13:14

“¡Nayan Diosajja, aytapunitaya acanaca luratajjata, ucatjja janipuni armasimti Diosajjan templopa laycu, uqhamarac yupaychaña laycuraqui take asquinaca luratajjata!”

Nehemías 13:22

Ucatsti levitanacarojj yatiyäyätwa k'omachasipjjañapataqui, samarañ uru jan p'aquitäñapataqui puncunaca uñjiri sarapjjañapataqui. “¡Nayan Diosajja, amtasiraquitaya aca luratajjata, ucatsti qhuyapt'ayasiraquitaya juman jach'a munasiñamarjama!”

Nehemías 13:31

Uqhamarac lawa churañanacasa wact'ayata horasaru churapjjañapataqui, uqhamarac nayra achunaca churañanacapsa. “¡Nayan Diosajja, amtasitaya nayar asqui lurañamataqui!”

Nehemías 5:19

“¡Diosajjay, amtasitaya nayan asquejjataqui, take cunanactejj aca marcataqui lurcta uca laycu!”

Salmos 101:2

chekap jacañpun munta. ¿Cunapacharac nayar tumpitätasti? Reyi utajjansa, sarnakäwejjajj jan camscayäniwa,

Salmos 102:9

T'ant'a lantejj khellac mank'ta, umañajjasti jachampiw quituntasi,

Salmos 119:80

Chuymajjajj leyinacamarjam phokherïpan, uqhamat jan p'enk tucuñajjataqui.

Salmos 16:8

Nayajj Tatitump chicapuniw sarnakascta, jupaw cupëjjajjanqui, janiw cunas tincuyquitaniti.

Salmos 26:3

qhuyapayasiñamajj nayampïsquiwa, nayasti arunacamat jan jithektasaw sarnakta.

Salmos 32:2

Ñankha jan amtir jakejj cusisiñaniwa, juchapat Tatitump jan ircatayasiñ utjatap laycu.

Salmos 6:6

Jachcäwejj karitäjjtwa, sapa arumaw iquiñajjan jachta, jachampiw iquiñ ch'ijmajjarojj juriptayta.

Salmos 6:8

¡Ñankha lurir jakenaca, nayat jithektasipjjeta, Tatitojj jachatajjarojj ist'iwa!

Isaías 38:2

Ezequiasasti perka toker uñtasinwa Diosatjja aqham sasa mayisïna:

Isaías 38:4

Tatitusti Isaías profetarojj saraquïnwa:

Oseas 12:4

Mä angelampiw nuwasïna, ucatsti atipjaraquïnwa; jacht'asisaraquiwa, bendicionsa mayisïnjja. Diosasti juparojj Betel chekanwa jicjjataraquïnjja, ucanracwa jupampejj parlänjja.

Juan 1:47

Jesusasti Natanaelaru jac'achasinquir uñjasajj sänwa: —Acajjay, chekpach israelitaw juti, jupansti janiraquiw cuna sallkjañas utjquiti —sasa.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

Deuteronomio 6:18

Ucatsti lurapjjaraquim cunatï chekäqui, sumäcaraqui Diosan nayrakatapana ucanaca, uqhamat suma sarapjjañamataqui cawquïri oraktï Diosajj arupampi arscäna awquinacamar churañataqui ucaru mantapjjañamataqui.

Hebreos 5:7

Cunapachatï Cristojj oraken jacascän ucqhasti, jach'atwa oracionanacsa wali achict'añampi luräna, Diosaru wali jacht'asisaraqui, qhititejj jiwañat khespiyañataquis ch'amanïcäna ucaru; Diosasti ist'änwa Dios chuymätapata.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.