Isaías 32:10 - Qullan Arunaca

¹⁰ Jichhajj janis cunäcaspa uqhamaw sarnakapjjtajja, ucampisa acat mä juc'a urunacarusti, janiw maräcanisa ucapachaw qhathatipjjäta, cosechasti tucusjjaniwa, janiraquiw juc'ampis uvanac apthapcjjapjjätati.

Aymar Bibliia 1986

¹⁰ Jichhajj janis cunäcaspa uqhamaw sarnakapjjtajja, ucampisa acat mä juc'a urunacarusti, janiw maräcanisa ucapachaw qhathatipjjäta, cosechasti tucusjjaniwa, janiraquiw juc'ampis uvanac apthapcjjapjjätati.

Qullan Arunaka DC

¹⁰ Amuyatax jichhax taqi kunas walikjamakïskiwa, akat mä mararusti, t'ant'ana, vinon jan utjkxatapatxa, axsarañat wal khathatipxäta.

Isaías 32:10 Jak'a apnaqawi uñst'ayäwi

Isaías 16:10

Pampanacanjj cusisiñat arnakasiñajj tucusjjaniwa; janiw juc'ampi cusisiñat arnakasiñajj utjcjjaniti, uva yapunacan k'ochusiñanacas janiw utjcjjaniti, janiraquiw uvanacjja juc'ampi ch'irwcjjapjjaniti vino apsuñataquejja. Arnakasiñanacajj tucusjjewa.

Isaías 7:23

Uca urunacansti cunatejj nayrajj waranka uva ali yapuchatäcän ucajj uqhamaraqui alapas waranka kollkëcän ucajj ch'aphi aliruquiw tucjjani.

Jeremías 8:13

Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Oseas 2:12

Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Joel 1:12

Uva yapunacajj k'alaw wañsuwayjje, higo yapunacas tucusiwayjjaraquiwa. Granado kokanacasa, palmeranacasa, mansanonacasa, uqhamarac take kokanacasa k'alaw wañsuwayjje. ¡Uqhamaraquiw take jakenacana cusisiñapas chhaktawayjje!

Joel 1:5

“¡Jumanacasti, umatanaca sartapjjam! ¡Vino umirinaca, jichhajj jachapjjam, jichhajj jumanacataquejj janiw uvas achcjjaniti!

Joel 1:7

Uva yapunacsti k'alwa tucjawayapjje, uqhamarac higo yapunacsa; k'alpun sillp'suwayapjje jank'o k'ara lawa tucuyañcama.

Habacuc 3:17

“Janisay higo kokanacajj pankarcpan, janisay uva alinacas, olivonacas achcpan; yapunacas janisay achunac churcpan; ovej tamanacas k'alasay tucusiscpan, janisay uywanacajj uyunacan utjcjjpan,

Sofonías 1:13

Ucatwa take yänacapas saqueyjatäni, utanacapas t'unjataraquïni. Utanaca utachasisipcaniwa, ucampis janiraquiw uca utanacan jacapcaniti. Uva alinacsa ayrusisipcaniwa, ucampisa janiraquiwa ucatjja vino umapcaniti” sasa.