Isaías 3:8 - Qullan Arunaca

⁸ Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Aymar Bibliia 1986

⁸ Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Qullan Arunaka DC

⁸ Chiqpachapuniw Jerusalén markax q'al aynacht'xi, Judá markas q'ala tukjatarakiw qhiparxi, uka markanakansti taqiniw Tatiturux chuym ust'ayapxi.

Isaías 3:8 Jak'a apnaqawi uñst'ayäwi

2 Crónicas 28:18

Yakha toketjja filisteonacaraquiw pampanquiri marcanacatjja aparapjjäna, uqhamarac Judá orakenquir Néguev marcatsa. Jupanacasti catuntasipjjänwa Bet-semes chekatjja Ajalón, Gederot ucanaca, Soco chekatjja Timna, Gimzo ucanacaraqui jisc'a marcanacapamppacha, ucatjja uca marcanacanaracwa utjnoktapjjäna.

2 Crónicas 33:11

Ucatwa Tatitojj jupanacataquejj jutayäna asirianquiri reyin ejercitopana jilïrinacaparu, jupanacasti Manasés reyirojj ganchompiw catuntayäna, ucatjja bronceta lurat cadenanacampi ach'antasawa preso Babiloniaru apapjjäna.

Proverbios 26:27

Qhititejj mä p'iya allini ucajja, uca pachparuwa jalantani; qhititejj mä jach'a kala korumt'aycani ucajja, uca pachpa kalawa jupjjaru jaljjattani.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 49:19

Marcamajj k'ala aynacht'atänwa, tucjata, khella tucuyataraqui; ucampis jichhajj orakemajj take jakenacamataquejj pisïniwa. Jumar tucjirinacasti jayancjjewa.

Isaías 57:4

¿Qhititsa jumanacajj larusipjjäta? ¿Qhitirus jumanacajj jisc'achañampi uñtapjjta? ¿Qhititaquis lajjranacamsa jiscsupjjaractajja? Jumanacajj juchan wawanacapäpjjtawa, c'ari jakenaca;

Isaías 59:3

Jumanacan amparanacamajj wilararcamaquiwa, luc'ananacamas jake jiwayatanacampi k'añuchatcamaquiwa; lacanacamasti c'ari parlircamaqui, ñankha arunacacwa parlascaraquejja.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Jeremías 23:36

Ucampisa jani mayampsa ‘Tatitun ewjjapaw’ sasajj parlapjjamti, ucampisa qhititejj parlani ucarojj, nayaw juparojj cuttayä uca pachpa arunacapajj mä carga tucuñapataqui. Jumanacajj jacquiri Diosana, Tatitu Diosamana arunacapjja jan waliruw tucuyapjjtajja, maysaruw k'ewipjjtajja.

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Jeremías 26:6

uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Jeremías 44:3

cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Lamentaciones 1:9

Isipasti k'ala k'añuchjatapuniwa; janiw uqhamar puriñjja amtcaraquïnti. Aynacht'atapasti jan amuyt'cayapuniwa; janiw jichhajj qhiti chuymachiris utjcaraquiti. ¡Tata, nayan t'akhesitajj uñtanita, uqhamarac uñisirejjan jach'ar tucutapsa!

Ezequiel 8:12

Ucatsti saraquituwa: “¿Uñjtati cuntejj jamasan Israelanquiri jilïri jakenacajj lurapqui ucjja? ¿Sapa maynis c'ari diosanacapan t'ojjonacapanjja? Jupanacasti amuyapjjaraquiwa nayajj janis ucanaca uñjquirista uqhama, uqhamaraqui aca marcarojj apanucquiristsa uqhamwa amuyapjjaraqui” sasa.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Oseas 5:5

Israel marcan jach'a jach'a tucutapasti jupa contraw art'i; Efrainasti pachpa ñankha luratapanwa aynacht'araqui, ¡jupanac chicasti Judá marcas aynacht'araquiniwa!

Oseas 7:16

Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Habacuc 1:13

Jumajj sinti k'omätaw take jan walinaca catokañataquejja, janiw take chuymampi ñankharus uñch'uccaractati. ¿Cunjämraqui jumasti jiwayirinacarus amuqui uñch'uctasti? ¿Cunataraqui amuquïtasti jan wali jakenacajj jupanacat juc'ampi asquïpqui ucanacar tucjasqui ucqhajja?

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Judas 1:15

takenir taripañataqui, uqhamarac take jan wali luririnacarus juchañchañataqui, uqhamarac take cunatejj ñankha arunac jupataqui arsupqui uca jan wali juch luririnacarusa.”