Isaías 3:7 - Qullan Arunaca

⁷ Maynisti ucjjarojj saraquiniwa: “Janiw nayajj uca jan walinacjja asquichquiristti, utajjansti janiraquiw mank'as, isis utjquituti, uca laycu jan marcan jilïripat utt'ayapjjestati” sasa.

Aymar Bibliia 1986

⁷ Maynisti ucjjarojj saraquiniwa: “Janiw nayajj uca jan walinacjja asquichquiristti, utajjansti janiraquiw mank'as, isis utjquituti, uca laycu jan marcan jilïripat utt'ayapjjestati” sasa.

Qullan Arunaka DC

⁷ Jilapasti ukxarux sarakiniwa: “Janiw nayax uka ñanqhachatanak askichkiristti, janirakiw manq'as, isis utaxan utjkituti, ukhamasti markan jilïripat jan utt'ayapxistati” sasa.

Isaías 3:7 Jak'a apnaqawi uñst'ayäwi

Génesis 14:22

Ucampis Abramajj saraquïnwa: —Alajjpacha, acapacha lurir jach'a Diosaruw juramentompi arsta,

Isaías 58:12

Marcamasti nayra t'unjat perkanacwa wasitat sayt'ayani, nayrapacha cimiento uscuntatanacwa wasitat sayt'ayaraquini. Marcamarusti ‘Liwisit perkanac sayt'ayiri, t'unjat utanac wasitat utachiri’ sasaw sutichapjjaraquini.

Jeremías 14:19

Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Ezequiel 34:4

Pisi ch'ama ovejanacarojj janiw yanapt'apctati, usutanacarus janiw kollt'apcaractati, cayu p'aquita ovejanacarus janiw ch'okjjatt'apcaractati, jan ucasti khoru cancañampi jan munasiñampiw uñjapjjaractajja.

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Joel 1:16

Jiwasan uñjcatawa mank'añjja apakapjjestu, Diosasan templopansti cusisiñajj tucusjjaraquiwa.

Deuteronomio 32:40

Amparajja alajjpacharu lokatatta, nayan wiñayataquïtajj laycuw juramento luraraquï.