Isaías 3:5 - Qullan Arunaca

⁵ Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Aymar Bibliia 1986

⁵ Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Qullan Arunaka DC

⁵ Jupanak taypinsti jan walt'añax walipunïniwa, jupanakkamaw nuwjasipxani, masinakkamas nuwjasxapxakiniwa. Waynanakasti chuyman jaqinakaruw saykatapxani, jisk'achat jaqinakasti, jach'a jilïri jaqinakaruw saykatapxani.

Isaías 3:5 Jak'a apnaqawi uñst'ayäwi

2 Reyes 2:23

Ucatsti Eliseojj ucqhatjja Betelaruw sarjjäna, cunapachatï thaquinjama maqhatascäna ucqhajja, mä tama waynanacawa marcata mistunisina jupat sawcasiña kalltapjjäna. Jupanacasti arnakapjjänwa: “¡Maqhatanim p'ek k'ara! ¡Maqhatanim p'ek k'ara!” sasa.

Isaías 1:4

“¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Isaías 11:13

Efrainan envidiasiñapasti tucusjjaniwa, Judän colerasiñapas apakatäjjaraquiniwa, Efrainajj janiw Judätjja envidiascjjaniti, Judästi janiraquiw Efrainataquejj coleratäcjjaniti.

Isaías 19:2

Egiptonquir jakenacarojj payaruw jaljtayä, jupanac pura nuwasiyä, amigojj amigop pura, marcasti marca pura, reinojj reino puraraqui.

Isaías 9:18

Ñankha lurañasti jupanacarojj jisc'a jisc'wa tucji, cunjämatejj mä ninajj t'unanaca, ch'aphinacsa naqhantquejj uqhama, ucjjarusti kokanaca, ch'uminaca naqhantqui uqhama, ucatsti tutuca thayaw jek'empi chica chhaktayatäpjje.

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Levítico 19:32

“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Zacarías 11:6

Nayajj uqhamaraquiwa jan mayamps qhuyapayascäti aca marcan jacapquis uca jakenacatjja, jan ucasti catjjaruyäwa jake masipan amparanacaparu, reyipan amparaparuraqui. Jupanacaw marcarojj tucjapjjani, janiw qhitirus khespiycäti amparanacapatjja. Naya Tatituw arstjja.”

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 26:67

Ucapachaw jupanacajj ajanupar thuscatapjjäna, t'ajjllinokapjjaraquïna, mayninacasti ajanut nuwanokapjjäna.

Marcos 14:65

Ucatsti yakhep jakenacajj Jesusar thuscatañ kalltapjjäna, nayrap imantasin ch'acunokapjjaraquïna: —Sapjjeta, ¿qhitis ch'actam? —sasa. Soldadonacasti Jesusarojj t'ajjllinokapjjaraquïnwa.

Lucas 22:64

Nayranacap imantasin ajanupat nuwjapjjäna: —¿Qhitis nuwtam? ¿Yattati? —sasa.

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.