Isaías 26:6 - Qullan Arunaca

⁶ uqhamat alt'at chuymani jakenacas, pobrenacas taquichasipjjañapataqui.”

Aymar Bibliia 1986

⁶ uqhamat alt'at chuymani jakenacas, pobrenacas taquichasipjjañapataqui.”

Qullan Arunaka DC

⁶ ukhamat aynacht'at jaqinakasa, jan kunaninakas jupanakar takichasipxañapataki.”

Isaías 26:6 Jak'a apnaqawi uñst'ayäwi

2 Reyes 9:33

Ucatsti Jehú capitanajj sänwa: —¡Aca aynacharu jakokanipjjam! —sasa. Jupanacasti uca warmirojja aynacharuwa jakokanipjjäna, wilapasti perkaruwa ch'itekcatäna, uqhamarac caballonacarusa, uca caballonacasti Jezabel warmirojj takjjatapjjaraquïnwa.

Isaías 11:4

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Isaías 25:10

Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.

Isaías 28:3

cayunacapampisti takjjataraquiniwa, cawquïritejj Efrainataquejj jach'a jach'a tucuñani uca machiri marcarojja.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 3:15

¿Cuna munañampis marcajjaru t'akhesiyapjjtajja, pobrenacan ajanupsa taquisipjjtajja?” Uqham siw take ch'amani Tatitojja.

Isaías 37:25

Jaya orakenacansti uma phuch'unacwa allsustjja, uca uma umaractjja, cayunacajjampiraquiw Egipton jawiranacapsa k'al wañsuytjja’ sasa.

Isaías 60:14

Qhitinacatejj jumaru t'akhesiyapcäyätam ucanacan wawanacapasti juma nayrakataruw alt'ata jutapjjani, qhitinacatejj jisc'achapcäyätam ucanacasti cayunacamaruw quillt'asipjjani, sapjjaraquïtamwa: ‘Tatitun marcapa’ ‘Israelan Kollan Diosapan Sión kollupa’ sasa.

Jeremías 50:45

Cuntejj naya Tatitojj Babilonia marcataqui amtcta uca amtäwinacajj ist'apjjeta, cuntejj caldeonacan marcapataqui amtcta ucanaca. Jisc'a ovej kallunacampacharuw apasjjapjjani, uywa awatïwinacapasti k'ala t'unjataw uñjasiraquini.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Malaquías 4:3

Uca uru waquichascta ucanjja, jumanacajj uca juchan sarnaker jakenacarojj mä khelläpcaspas uqhamwa taquichasipjjäta.

Lucas 10:19

Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.

Romanos 16:20

Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.

1 Corintios 1:26

Jilatanaca, sum amuyasipjjam Diosajj jawsapctam ucjja. Jumanacatjja janiw walja yatiñan jakenacajj utjquiti, janiraquiw waljanïquis munañan jakenacasa, ni jach'a familianacat jutirinacasa.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Josué 10:24

Cunapachatejj Josué chachan nayrakataparu irpanipjjän ucqhajj Josué chachajj take israelit jakenacaruw jawsayäna ucatsti jilïri jakenacarojj aqham sänwa: “Jac'aru maqhatanipjjam ucatsti aca reyinacan cuncanacaparu cayunacamampi takjjatapjjam” sasa. Jupanacasti uqhamwa lurapjjäna.

Apocalipsis 2:26

Qhitinacatejj atipjcani uqhamarac cuntejj nayajj munctjja uc luririnacarojj marcanacjjaru munañanïñwa churäjja,

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.