Isaías 24:3 - Qullan Arunaca

³ Orakejj k'ala tucjatäniwa, k'ala lunthatjataraqui. Take acanacwa Tatitojj saraqui.

Aymar Bibliia 1986

³ Orakejj k'ala tucjatäniwa, k'ala lunthatjataraqui. Take acanacwa Tatitojj saraqui.

Qullan Arunaka DC

³ Uraqix q'ala tukjatäniwa, q'ala lunthatjatäniwa. Tatituw ukham lurañatak arsu.

Isaías 24:3 Jak'a apnaqawi uñst'ayäwi

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Isaías 21:17

Mä juc'a arconacaquiraquiw Cedar marcan guerrero jakenacapampejj kheparjjani.” Tatituw, Israelan Diosapaw uqham arsu.

Isaías 22:25

‘Uca urunsti, cawquïr clavotejj uca chekan suma clavt'atäcän ucajj onjjtjjaniwa; waysutäniwa ucatsti jalaktjjaraquiniwa, take cunanacatejj ucan warct'atäcän ucanacasti p'aquirtjjaraquiniwa.’ ” Uqham siw take ch'amani Tatitojja.

Isaías 24:1

Uñtapjjam, Tatitojj aca orakjja tucjaniwa, k'al tucjani alliquiparaquiniwa, jakenacarusti ucsar acsaruw willitataraquini.

Isaías 24:2

Sacerdotetaquisa, jakenacataquisa mayaquïniwa, utanitaquisa esclavotaquisa, utanitaquisa, esclavataquisa, alasiritaquisa, aljasiritaquisa, mayt'iritaquisa, mayt'asiritaquisa, mant'asiritaquisa, mant'iritaquisa.

Isaías 24:4

Orakejj wañsuwayjjewa ancuntjjaraquiwa, take acapacharaquiwa k'al wañsjje, ancuntjjaraqui, alajjpachas, acapachas wali llaquitaraquiwa.

Isaías 42:22

ucampis aca marcarojj lunthatjapjjewa, k'epsuwayapjjaraquiwa, takenirus preso catuntapjjaraqui, calabozonacaruw jist'antapjjaraqui; jupanacsti catuntasipjjaraquiwa, janiraquiw qhitis jupanacat arjjatirejj utjquiti; jupanacsti lunthatawayapjjewa, ucampis janiw qhitis khespiyirejj utjquiti.”

Isaías 5:6

apanucuraquïwa. Janiraquiw qhuchhurt'apcanisa korsupcaraquinisa, koranacampi, ch'aphinacampiw chhaktayaraquini. Kenayanacarusti “Jan jupanacjjar jallumti” saraquïwa.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 13:15

¡Israelitanaca, Tatitojj siwa! Jan jach'a jach'a tucupjjamti, jan ucasti sum ist'apjjam.

Ezequiel 36:4

Uca laycu, Israelanquir kollunaca, cuntejj Tatitojj kollunacaru, lomanacaru, jawiranacaru, vallenacaru sisqui uca arunac ist'apjjam; cawquïrinacatejj t'unjatäqui, cawquïri marcanacatejj wasara tucuyatäqui, Israel marcanjja, uca yakha jac'anquiri marcanacampi lunthatjatäpqui jisc'achañampi uñjatäpqui uca marcanac toke.

Miqueas 2:4

Qhaya urunacansti jumanacataquejj larusisaw jachañ k'ochunac k'ochupjjani. Sapjjaraquïtamwa: ‘K'ala tucjatapunïtanwa; jiwasa, Tatitun marcapasti, yakha uywirinëjjtanwa, janiraquiw qhitis ‘janiw’ sasajj jarc'akquiti; jiwasan orakenacasasti atipjirinacasaru laquinokataraquiwa’ sasa.

Miqueas 4:4

Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

Deuteronomio 29:28

Ucatsti jupanacarojj takpach colerasiñapampi, mayjt'asiñapampiw jakonucu, yakha marcanacar qhitanucusa, cunjämatï jichhüruna pasasqui uqhama’ sasa.