Isaías 20:3 - Qullan Arunaca

³ Ucapachaw Tatitojj juparojj saraqui: “Isaías uywatajjajj k'ara cayuquëjjewa, k'alalaraqui, quimsa mararaquiw uqham sarnake, ucasti mä unañchäwi yatiyäwiraquiwa Egiptotaquejja, Etiopiataquisa.

Aymar Bibliia 1986

³ Ucapachaw Tatitojj juparojj saraqui: “Isaías uywatajjajj k'ara cayuquëjjewa, k'alalaraqui, quimsa mararaquiw uqham sarnake, ucasti mä unañchäwi yatiyäwiraquiwa Egiptotaquejja, Etiopiataquisa.

Qullan Arunaka DC

³ Ukapachaw Tatitux sarakïna: “Isaías uywataxax q'ara kayuki, niya q'alalpacha, ukhamaw kimsa mara sarnaqi, ukasti Egipto markatakixa, Etiopía markatakisa mä unañchäwiwa.

Isaías 20:3 Jak'a apnaqawi uñst'ayäwi

Isaías 19:4

Ucampis nayajj Egiptorojj mä khoru uywiriruw catuyäjja, mä khoru reyiraquiw jupanacarojj apnakani.” Uqham siw take ch'amani Tatitojja.

Isaías 37:9

Ucanwa Asirianquir reyejj mä aru ist'araquïna, ucasti Tirhaca sisqui, ucan Etiopía reyipasti, mä jach'a ejército sartayascatapa, uqhamaraqui nuwasiñataqui waquichasiscatapa Asirianquir reyitaqui. Ucatwa Asirianquir reyejj mayampi Judá orakenquir Ezequías reyin ucarojj qhitanaca qhitaraquïna, aqham sasa:

Isaías 43:3

Nayätwa juman Tatitumajja, khespiyirimajja, Israelan Kollan Diosapätwa. Nayaw jumarojj alasinsa alassma. Egipto, Etiopía, Sabá marcanacata,

Isaías 8:18

Nayampi, uqhamarac Tatitojj churquitu uca wawanacajjampisti, Israel marcataquejj mä muspharcañ unañchjamäpjjtwa, take ch'amani Tatitun usct'ata, Sión kollun jaquiriraqui.

Jeremías 13:1

Tatitusti saraquituwa: “Saram, ucatsti mä cinturon alasinim linot lurata, ucat cinturamaru uca uscusim, ucampisa jan umampi juricht'amti” sasa.

Ezequiel 12:6

Cunapachatejj ch'amacthapjjani ucapachasti take yänacam k'epjjarusjjam, ucatsti take uca yänacam apt'ata takenin uñjcata mistuwayjjaraquim. Ajanumsti imantasjjaraquim jan aca orake uñjañamataqui. Nayasti munaractwa Israel marcataquejj uca luräwimampejj mä chimpüñama” sasa.

Ezequiel 30:4

Egipto marcataquejj guerranacaw jutani. Cunapachatejj walja jakenacaru jiwarayapcani, kamir cancañanacapsa lunthatapcaraquini, Egiptorusa cimientotpacha t'unjapcaraquini, ucapachaw Etiopía marcajj qhathatini.

Ezequiel 30:6

‘Tatitusti aqham siwa: Qhitinacatejj Egipto marcaru yanapapcani ucanacasti guerran jiwarapjjani, Migdol sisqui ucatpacha, Asuán sisqui ucacama. Egipton jach'a jach'a tucutapasti pampa t'unataraquïniwa. Naya Tatituw ucjja arsta.’

Ezequiel 4:1

“Jumasti, chacha, mä adobe ittam, ucatsti juman nayrakatamaru itnokam, uca adoberusti Jerusalén marca dibujaraquim.

Ezequiel 4:3

Ucatsti hierrot lurat mä jach'a thuru lata aptam; ucsti jumampi, uqhamaraqui marcampi taypiru uscum mä perkäcaspas uqhama, ucat marca uñcatasiru sayt'asim nuwantañatacjama. Ucasti israelitanacataquejj mä unañchäwïnina.

Sofonías 2:12

¡Etiopía marcan jaquir jakenaca, jumanacasti uqhamaraquiwa Tatitun espadapampi chhojjriñchjata uñjasipjjäta!

Zacarías 3:8

Sum ist'ita, Josué, jumajj jilïri sacerdotëtawa, ist'apjjaracpan jumampïqui uca tantachäwisa, uqhamasti jumanacajj Diosan marcapäpjjtawa mayninacan yatekapjjañapataqui: Nayajj qhitanïwa servirejja, jupajj ‘Machak Cülli’ satawa.

Números 14:34

Jumanacasti pusi tunca urunacaw orakenac uñjasajj sarnakanipjjtajja, uqhamaraquiw jichhajj pusi tunca maranaca mutuñanacamjja phokhapjjäta, mä mara sapa uruta, uqhamatwa yatipjjaraquïta cunjämas naya contra sayt'asiñajj ucsa.’