Isaías 2:8 - Qullan Arunaca

⁸ ¡Uqhamarus yakha diosanacampi wali phokhantataraquiwa! Jakenacasti jupanacan pachpa amparanacapampi lurat diosanacaruquiw yupaychapjje, luc'ananacapampi luratanacaru.

Aymar Bibliia 1986

⁸ ¡Uqhamarus yakha diosanacampi wali phokhantataraquiwa! Jakenacasti jupanacan pachpa amparanacapampi lurat diosanacaruquiw yupaychapjje, luc'ananacapampi luratanacaru.

Qullan Arunaka DC

⁸ ¡Israel markax yaqha diosanakampi phuqhantatawa! Jaqinakasti jupanakan lurat diosanakaruw yupaychapxi, pachpa amparanakapamp lurat diosanakaruw yupaychapxi.

Isaías 2:8 Jak'a apnaqawi uñst'ayäwi

1 Reyes 16:7

Tatitojj Jehú profeta tokewa arsüna, qhititejj Hanani sat chachan yokapäcäna uca toke, Baasa reyitaqui, uqhamarac familiapataquisa, jupan luratanacapajj Tatitun nayrakatapanjja janiw walïcänti uca laycu. Jupasti luratanacapampejja Tatiturojj colerayänwa familiapampi uqham jan wali lurasiñapataqui, cunjämatï Jeroboam reyin familiapajj tucjatäcän uqhama.

2 Reyes 17:10

Uqhamaraquiw sayt'ayapjjaraquïna ajjsarata kalanaca, Asera sat diosan lantinacapa take alto cheka kollunacana, uqhamarac walja laphini kokanacan cayunacaparuraqui.

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

2 Crónicas 27:2

Jotam reyin luratanacapasti chekapänwa Tatitun nayrakatapana, cunjämatï Uzías awquipana chekapäcäna uqhamaraqui. Ucampis jupajj janiw mantcänti Tatitun temploparu. Ucatsti marcajj jan wali luräwinacapampejja chicaquïscänwa.

Isaías 17:8

Janiw uca urunacanjja cuntejj jakenacajj pachpa amparanacapampi lurasipcäna uca altaranacaru uñtjjaniti ni cunanacarusa. Janiw juc'ampi uca ajjsarañ c'ullunacar uñch'ucjjapjjaniti, ni uca altaranacarusa cawqhantejj inciensonaca diosanacaparu loktasipcänjja uca chekanacaru.

Isaías 26:13

Tatitu, nanacan Diosajja, mayninacaw nanacarojj apnakapjjetojja, ucampisa jumaquïtaw nanacan apnakerejjajja, uqhamarac Tatitojjasa.

Isaías 37:19

diosanacapsa ninaruw naqhantayapjjaraqui, janiw ucanacajj chekpacha diosäpcänti, jan ucasti lawata, kalata lurat diosanacaquïnwa uca laycu. Ucatpï t'unjasipquejja.

Isaías 40:19

Yakha diosanac luririnacajj diosanacapataquejj metalanac umatatayasaw lurapjje, mä joyero jakeraquiw ucarojj korimpi apaquipi, kollke cadenanacraqui lurarapi.

Isaías 41:29

¡Take jupanacasti janiw cunäpquisa! Janiw cun lurañsa yatipquiti; ina ch'usa diosanacaquiwa, janiw cunäpquisa.

Isaías 57:5

roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 2:28

Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Oseas 12:11

Galaad chekanjja yakha diosanacaquiw utji, ucampis c'ari diosanacaquïpjjewa. Gilgal chekansti toro vacanacraqui sacrificiot loktapjje; altaranacapasti kala montonaquiraquiwa yapunac taypina.”

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Oseas 8:6

Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Miqueas 5:12

laykasiñanacamsti k'alwa tucjäjja, janiraquiw yatiri jakenacas utjcjjaraquiniti;

Hechos 17:16

Atenas marcana Pablojj Silasampiru Timoteompiru suycasinjja, wali mayjt'ataw jicjjatasïna, marcan walja yakha diosanac phokhantat uñjasina.

Deuteronomio 4:28

Ucansti jaken lurat diosanacaruw sirvipjjäta kalata, lawata lurat diosanacaru, jupanacasti janiw uñjapquiti janiraquiw ist'apquisa, mank'apquisa ni samsupquisa.

Apocalipsis 9:20

Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.