Isaías 2:4 - Qullan Arunaca

⁴ Tatituw take marcanacaru taripani, walja marcanacan ch'ajjwatanacapwa t'akjaraquini. Uca marcanacasti espadanacapjja kholliñ aradoruw tucuyjjapjjani, lanzanacapsti yawthapiñ hocenacaruraqui. Janiraquiw cawquïr marcas yakha marcampejj nuwasiñatac sartcaniti. Janiraquiw guerran nuwasiñataquis yatichäwinacjja catokapcaniti.

Aymar Bibliia 1986

⁴ Tatituw take marcanacaru taripani, walja marcanacan ch'ajjwatanacapwa t'akjaraquini. Uca marcanacasti espadanacapjja kholliñ aradoruw tucuyjjapjjani, lanzanacapsti yawthapiñ hocenacaruraqui. Janiraquiw cawquïr marcas yakha marcampejj nuwasiñatac sartcaniti. Janiraquiw guerran nuwasiñataquis yatichäwinacjja catokapcaniti.

Qullan Arunaka DC

⁴ Tatit pachpaw taqi markanakarus chiqapar uñjani, juparakiw walja markanakaru, wali jayankir markanakarus ch'axwatanakap taripani. Espadanakapxa qhulliñatak armanakaruw tukuyxapxani, lanzanakapsti yawthapiñatak jusinakaruw tukuyxarakini. Janiw kawkïr markas yaqha markamp nuwantasiñatakix wakichaskxaniti, janirakiw nuwasiñatak yatichäwinaksa katuqxapxaniti.

Isaías 2:4 Jak'a apnaqawi uñst'ayäwi

Salmos 110:6

marcanacataquiw juchañchäwinac mistuyani, jake jiwatanac arcthapini, orakpachan p'eke ch'aqhanac p'aquirani.

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Salmos 82:8

Diosay, sartasiquimaya, orakerojj taripamaya, jumanquiw takpach marcanacajja.

Salmos 96:13

Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani.

Isaías 32:17

Cheka uñjäwisti sumancañwa utjayani, samarañana sarnakasiña, jan ajjsarasa, ucasti wiñayataquïniwa.

Isaías 32:18

Marcajjasti mä suma samarañ chekanwa jacani, suma utanacana, samarata jacañ utanacana,

Isaías 33:22

Uca barcon pitanacapasti janiw barcon jach'a lawapjja catjjäscaspati, velopasti janiw janatatañjamäquiti. Uñisirinacasatsti uca kamir cancañanacapjja aparañäni, juyqhus jupanccani ucjja catokaniwa, suchunacasti apsuñaruw uscusipjjani. Tatituw chekapar uñjirisajja, jiwasan apnakerisajja, jiwasan reyisajja, jupaw khespiyistani.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 42:3

niya p'aquisirjam sokos lawsa janiw p'acjcaniti, janiraquiw niya jiwt'asquirjam mechsa phust'caniti. Chekpachansa jupajj sumancañampi cheka cancañampwa apanini.

Isaías 9:5

Soldadonacajj botasanacap suenaycän ucanacajja, wilampi ch'allsut isinacasa, ninampi naqhantatäpjjaraquiniwa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Oseas 2:18

“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.

Oseas 2:20

Esposajjaruw tucuyasïma, jumaruquiraquiw munäma, ucapachaw jumajj Tatiturjam uñt'asitäta.

Joel 3:10

Azadonanacapatsti espadanac lurasipjjpan, hocenacapatsti lansanacraqui, pisi ch'ama jakesti saracpan: ‘Nayajj ch'amanïtwa’ sasa.

Joel 3:12

Take marcanaca, waquichasipjjam ucatsti Josafat vallercam sarapjjam, ucanwa Tatitojj uñjani take jac'a marcanacaru.

Miqueas 4:3

Tatituw take marcanacarus chekapar uñjani, uqhamaraqui walja marcanacan ch'ajjwatanacapsa t'akjaraquini, wali jayanquir marcanacarusa. Jupanacasti espadanacapjja aradoruw tucuyjjapjjani, lanzanacapsti hocenacaruraqui. Janiraquiw cawquïri marcas armanacjja aptcjjapjjaniti yakha marca contrajja, janiraquiw guerran nuwasiñataquis yatichäwinacjja catokcjjapjjaniti.

Zacarías 9:10

Jupaw t'unjani Efrainan carronacapjja, Jerusalenanquir caballonacsa, guerrasiñ arconacsa, sumañcañwa marcanacaru yatiyanejja, apnakaraquiniwa kotat kotaru, Eufrates jawirata orak tucuycama.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

1 Samuel 2:10

Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”