Isaías 19:3 - Qullan Arunaca

³ P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Aymar Bibliia 1986

³ P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Qullan Arunaka DC

³ Amuyunakap mayjt'ayä, amtatanakapsti t'unjarakïwa. Ukapachaw jiskt'asipxani: yaqha diosanakaru, layqanakaru, jiwatanakan ajayunakaparu, yatiri jaqinakaru.

Isaías 19:3 Jak'a apnaqawi uñst'ayäwi

2 Samuel 15:31

Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

Salmos 107:27

machatanacjamaw aytilipjjäna, yatitanacapajj janiw cunataquïcänsa.

Salmos 33:10

Tatitojj ñankha lurir marcanacan amtatanacap t'unji, Tatitur jan iyawsir jakenacan amtatanacap aynacht'ayaraqui.

Salmos 76:12

Jupaw p'ekechirinacarojj jan samanan tucuyi, acapachanquir reyinacarus ajjsarayaraqui.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Isaías 14:27

Take ch'amani Tatituw uqham amti, janiraquiw qhitis jarc'caspati. Jupajj jichhas ajjsarayascaquiwa, janiraquiw qhitis yakha amtäwi churcaspati.

Isaías 15:2

Dibon marcan utjir jakenacasti kollu patanquir templor jachiriw maqhatapjje, Moab marcasti Nebompina Medebampina t'unjatätapatwa ayko. Takeniw ñic'utanacapasa, sunqhanacapasa, mururatcamaquïpjje.

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Isaías 47:12

Lurascaquim uca laykasiñanacamjja, uca walja laykasiña lurañanacamampisa, cunanactejj jumajj tawak urunacamatpach lurcäyäta ucanacampi, inach ucanacajj cunataquis walïscani, inach uca luratanacamampejj jakejj ajjsarascätam.

Isaías 57:16

Janiraquiw marcajjarojj juchañchcapunïtejja, janiraquiw wiñayataquis colerascäti, uqhama lurasasti cawquïri jakenactejj nayajj uscta jupanacajj ch'ama chhaktayasipjjaspa naya nayrakatanjja.

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Jeremías 46:15

¿Cunatsa Apis sat orko ajjsarcañ vacamajj jaljjejja? ¿Cunatsa jan sayt'asïnjja? Naya Tatituw juparojj liwinuctjja.

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Ezequiel 22:14

Cunapachatejj nayajj jumaru wayt'cäma ucapachajj jan lup'imti naya toke sayt'asiñjja. Naya Tatituw ucjja arsta, arsutajj-jjarusti phokharaquïwa.

Daniel (hebreo) 1:20

Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Daniel (hebreo) 2:2

Uqhamasti jupajj magonacaru, yatirinacaru, laykanacaru, take yatiñani jakenacaruw jawsayanïna uca samcanaca toketa juparu khanañchapjjañapataqui. Uca jakenacasti sarasinjja reyin nayrakataparuw uñstapjjäna,

Daniel (hebreo) 5:7

Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

1 Samuel 25:37

Khepärmanthi alwasti cunapachatejj Nabal jaken machatapajj apaktjjäna ucapachaw Abigail warmipajj cunatejj pascatayna ucjja khanwa yatiyäna. Uc ist'asasti Nabal jakejj jan sartquiriw lurasiwayäna.