Isaías 17:3 - Qullan Arunaca

³ Efrainasti, qhititejj Israelan jach'achasiñapäqui ucajj janiw mayampis mä jach'a ch'amani marcapajj utjcjjaniti; uqhamaraquiw Damascosa, cunatejj Siriat kheparqui ucajja, janiw juc'ampi mä reino tucjjaniti. Uqham siw take ch'amani Tatitojja.

Aymar Bibliia 1986

³ Efrainasti, qhititejj Israelan jach'achasiñapäqui ucajj janiw mayampis mä jach'a ch'amani marcapajj utjcjjaniti; uqhamaraquiw Damascosa, cunatejj Siriat kheparqui ucajja, janiw juc'ampi mä reino tucjjaniti. Uqham siw take ch'amani Tatitojja.

Qullan Arunaka DC

³ Efrainax Israelan jach'achasiñap markawa, jichhax pirqamp jan muyuntataw uñjasini; Siria markat qhiparir Damasco markas q'ala chhaqtayatäniwa. Ukham siw taqi ch'aman Tatituxa.

Isaías 17:3 Jak'a apnaqawi uñst'ayäwi

2 Reyes 16:9

Ucatsti Asirianquir reyejj mayitaparojj ist'änwa, wact'ayasïnwa Damasco marcar nuwir sarañataqui, ucatjja catuntänwa. Uca pasatatjja jakenacaparojj Kir sat chekaruw apanucuyäna, ucatsti Rezín reyerojj jiwayaraquïnwa.

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

Isaías 10:9

Nayataquejj Calno, uqhamaraqui Carquemis marcanacajj mayaquiwa, Hamat marcas Arfad marcampejj mayaquiwa, Samaria marcas Damasco marcampejj mayaquiraquiwa.

Isaías 16:14

Jichhasti Tatitojj siwa: “Acat quimsa mararojja, cunjämtejj mä kollket irnakerejj sisqui uqhama, Moab marcan jach'a cancañapajj tucusiniwa jisc'achcañaraquïniwa, walja jakenïcchi ucasa; mä kawkha pisi ch'ama jakenacaquiw kheparjjani.”

Isaías 17:4

“Uca urunjja Jacobon jach'achasiñap Samaria marcajj jan ch'amaniw uñjasini, kamir cancañapas chhaktjjaraquiniwa.

Isaías 25:2

Marcanacsti kala chhajjwanacacwa tucuyaractajja, suma perkantat marcanacsti k'al t'unthapiractajja; uñisirinacan palacionacapsa k'al t'unthapiractajja, janiraquiw mayampis utachatäcjjaniti.

Isaías 7:16

Ucampis uca wawajj janïra suma amuyt'asirïcani ucapachaw cawquïri pani reyinacan marcanacapatejj jumaru ajjsarayctam uca marcanacajj apanucutäjjani.

Isaías 7:8

Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Oseas 10:14

jan walt'añanacaquiw jumanac taypinjja utjani, ucatsti take sayt'asiña perkanacamasa tucjatäniwa, cunjämatejj Salmán reyejj Bet-arbel marcarojj tucjcäna nuwasiñ urupanjja, cunapachatï warminacarusa wawanacapamppacha jiwarayapjjänjja uqhama.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Oseas 8:8

¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Oseas 9:11

Efrainan jach'a cancañapasti, jamach'ir uñtataw sarawayjjani. Janiw juc'ampi wawanacas nascjjapjjaniti, janiraquiw juc'ampi usur warminacas utjcjjaniti, janiraquiw warminacan juc'ampi usur jakeptañas utjcjjaniti.

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”