Isaías 16:2 - Qullan Arunaca

² Moab marcan jaquirinacasti Arnón sisqui uca chekanjja tapat jaltiri sustjat jamach'inacjamaw qhathatisipqui.

Aymar Bibliia 1986

² Moab marcan jaquirinacasti Arnón sisqui uca chekanjja tapat jaltiri sustjat jamach'inacjamaw qhathatisipqui.

Qullan Arunaka DC

² Moab markan jakirinakaxa, Arnón jawir chiqnäma makhatasasti, tapat jaltiri mulljat jamach'inakjamäpxiwa.

Isaías 16:2 Jak'a apnaqawi uñst'ayäwi

2 Reyes 3:4

Mesa sat Moab marcan reyipajj ovejanaca uywañaruwa uchasïna, ucatjja impuesto pagotjja Israelan reyiparuwa churañapäna patac waranka mä marani ovejanaca, uqhamarac patac waranka orko t'awrani jach'a ovejanaca.

Proverbios 26:2

Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Proverbios 27:8

Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Isaías 13:14

“Uca urunjja jakejj alisnakat taruja animaljamäniwa, jan ucajj ananucut tamjama, janiraquiw qhitis jupanacarojj mayjaru anthapirejj utjquiti. Sapakat mayniw marcapar cuttjjaraquini, pachpa orakeparuw jaltjjapjjani.

Jeremías 48:20

Moab marcajj t'unjatawa, ajjsarañampi phokt'ataraquiwa. ¡Uca marcat jachapjjam! ¡Arnón jawiransti yatiyapjjaraquim Moab marcan t'unjatätapatjja!”

Jeremías 48:46

¡Ay, Moab, cunaquïcani jumataquejja! ¡Quemós diosan marcapa, aynacht'atätawa! yokanacamarusa, phuchanacamarusa jaya marcaruw preso apapjje.

Jeremías 48:9

Moab marcarojj suma pallalla kalanac uscupjjam, uca marcarusti t'unjapjjaraquiniwa, marcanacapasti k'ala t'unjataw uñjasipjjani, jan mä jakeniw uñjasipjjaraquini.”

Números 21:29

¡Moab, jumajj jachcañätawa, aynacht'atätaw, Quemós diosan marcapa! Juparaquiw jakenacamsa jaltayaraqui, warminacamsa Sehón reyin amparapar catuyaraqui.

Deuteronomio 2:36

Cawquïri marcatï Arnón jawirampi chicäqui, Aroer sat marca, ucatsti cawquïri marcatï valle chekancqui ucatpacha Galaad orakcamajj janiw cawquïri marcas jiwasan amparanacasatjja jaltirjamäpcänti, jiwasan Tatitu Diosasasti take marcanacwa amparasar catuyaraquistu.

Deuteronomio 3:12

“Cawquïri orakenactï catuntapcäyätan ucanacsti Rubén uqhamaraqui Gad uca tribunacaruw churäyäta, cawquïri oraketï Aroer sat chekat sarqui Arnón jawir thiyanjama, Galaad chicat kollunaccama takpach marcanacampi cuna.

Deuteronomio 3:8

“Uqhamaw qhä tiemponjja uca pä amorreo reyinacan orakenacapajj jiwasan catuntatäna, cawquïrinacatï jacapjjäna Jordán jawirat inti jalsu tokena, Arnón jawira chekata Hermón sat kollunaccama.

Josué 13:16

Uqhamasti Rubén tribun orakepajja Aroer chekata Arnón sat jawircamänwa, cawquïri marcatï chica vallenccäna ucqhatpacha, take Medeba sutini pampa orakenacamppacha.

Jueces 11:18

Ucjjarojj wasarnäma sarasinsti Edom, Moab sat orakenacnämwa muytawayapjjta Moab chekata inti jalsu tokeru puriñcama, ucqharu purisinsti campamento waquichasjjapjjta Arnón sat jawirat mayscataru. Ucampis janiw uca jawira maqhatapcti uca chekata Moab sat orakenacajj kalltawayatap laycu.