Isaías 15:2 - Qullan Arunaca

² Dibon marcan utjir jakenacasti kollu patanquir templor jachiriw maqhatapjje, Moab marcasti Nebompina Medebampina t'unjatätapatwa ayko. Takeniw ñic'utanacapasa, sunqhanacapasa, mururatcamaquïpjje.

Aymar Bibliia 1986

² Dibon marcan utjir jakenacasti kollu patanquir templor jachiriw maqhatapjje, Moab marcasti Nebompina Medebampina t'unjatätapatwa ayko. Takeniw ñic'utanacapasa, sunqhanacapasa, mururatcamaquïpjje.

Qullan Arunaka DC

² Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Isaías 15:2 Jak'a apnaqawi uñst'ayäwi

2 Samuel 10:4

Ucat Hanún reyejj Davidan yanapirinacaparojj preso catuntapjjañapataquiw arsuraquïna, sunqhanacapsa chicatpacha mururapjjañapataqui, isinacapsa khepäjjcama ch'iyarapjjañapataqui. Ucat qhitanucjjapjjaraquïna.

1 Crónicas 19:4

Ucatsti Hanún chachasti Davidan oficialanacaparojj catuntayänwa, ñic'utapjja qhuchhurayänwa, uqhamarac isinacapsa aynach tokerojj K'alwa ch'iyarapjjäna. Ucatsti qhitanucjjapjjaraquïnwa.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Isaías 14:31

¡Filisteo marcanaca, wararipjjam, aykoñat wararipjjam, sustjasiñatsa qhathatipjjaraquim! Jichhasti alay toketjja mä ejercitow jutanti jek'e kenayar uñtata; janiraquiw mayni jakes filanacapatjja mistquiti.

Isaías 15:3

Callenacansti jakejj chhanqha isimpi isthapitcamaquiwa, terraza patanacansa jakejj aykoñat wararipjje. Plazanacansti takeniw jachapjje, jachcäwis tucusipjjaraquiwa.

Isaías 16:12

Moab marcajj kollunacarus sarascpan, ucansti karjtañcam arnakasiscpan, temploparus oración lurir sarascpan, janiw cunsa jicjjatcaniti.

Isaías 16:7

Ucatwa jichhajj Moab marcan take utjirinacajj marcapatjja jachapjjani, walracwa chuymanacapjja usuyasipjjani Kir-hareset chekan jaquir jakenacatsa.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 3:24

Uca perfumenac lantisti utjaraquiniwa cunayman usunaca; cinturón lantisti utjaraquiniwa wisqhanaca, uca suma asquicht'ata p'eke lantisti utjaraquiniwa, p'eke k'ara sarnakañanaca, uca suma isinacap lantisti, utjaniwa chhanqha isinaca, uca suma ajanupan uñnakatap lantisti, parintat hierrompi chimpt'atäniwa.

Jeremías 3:21

“Arunacaw wasara kollu tokenacan ist'asi: ¡ucanacasti Israelitanacan jachatanacapawa, uqhamaraqui qhuyapayasiña mayitanacapawa! Jupanacajj cheka thaquitjja saranucuwayapjjewa, naya Dios Tatitupatsti armasipjjaraquiwa.

Jeremías 47:2

“Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Jeremías 47:5

Gaza marcanquir jakenacajj ñic'utanacap k'al mururasipjje, Ascalón marcanquiri jakenacasti amutuquiw kheparjjapjjaraqui. Nayrapacha jach'a jakenacat jilt'iri, ¿cunapachcamas jumajj janchim qharinokasïta, usuyasitam uñacht'ayañataqui?

Jeremías 48:1

Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa!

Jeremías 48:18

“Dibón marca, uca jach'a konuñamat sarakanim, ucatsti waña orakeru kont'asim, Moab marcaru t'unjirejj niya jac'achasinitap laycu, suma sayt'asiña perkanacamsa t'unjaraquïwa.

Jeremías 48:31

Ucatpï jachäjja, wali amtaraquëjja, take Moab marcatjja, Kir-hares sat marcanquir jakenacatsa.

Jeremías 48:35

Tatitojj saraquiwa: “Nayaw Moab marcanquiri jakenacarojj t'unjäjja, qhitinacatejj kollu patanacaru, diosanacapan santuarionacaparu inciensonaca, sacrificionaca uca diosanacapar loktasir sarapqui ucanacarojja” sasa.

Jeremías 49:3

“Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Ezequiel 27:31

Juma laycojj p'eke ñic'utanacapsa mururasipjjaniwa, luto isinacampiw isthapisipjjani, chuyma cawcst'ataw jachapjjaraquini.

Ezequiel 30:2

“Jumasti, chacha, nayan sutejjaru parlam, ucatsti saraquim: “Aqham siw Tatitojja:

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Levítico 13:40

“Mä jakerutejj p'ekepajj k'arartchi, uqhamarac ñic'utapas willirtjjaracchi, ucat uca jakejj p'eke k'ara uñjasjjaracchi, uca jakesti k'omäsquiwa.

Levítico 21:5

“Janipuniw ñic'utanacapjja mururasipjjañanacapäquiti ni sunqhanacapsa mururasipjjañapäquiti, janiraquiw janchinacapsa k'allunokasipjjañapäquiti,

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Números 21:28

Hesbonatpacha, Sehón reyin marcapata, ninajj naqhantañataqui lawrsunïna, Ar sat Moab orakeruw t'unjaraquïna, uqhamarac Arnonan kollunacapsa.

Números 21:30

Hesbon marcan ch'amapajj t'unjatawa; Dibonat Nofacamasti lakaycamaquiwa, ucatsti ninajj Medeba chekacamaw purïna.”

Números 32:3

—Uñjapjjam: Atarot, Dibón, Jazer, Nimra, Hesbón, Eleale, Sebam, Nebo, uqhamarac Beón orakenacajj,

Números 32:38

Nebo, Baal-meón, Sibma, yakha marcanacan sutinacapsa trocapjjänwa, ucatsti quipca sutinacapampiw uchapjjäna wasitat lurat marcanacarojja.

Deuteronomio 14:1

“Jumanacasti Tatitu Diosaman wawanacapäpjjtawa. Jan janchinacama qharirasipjjamti janirac ñic'utanacamsa mururasipjjamti cunapachatï maynejj jiwani ucqhajja.

Deuteronomio 34:1

Moisesasti Moab sat wasaratjja, Nebo sat kolluruwa maqhatäna, Pisga sutini kollu pataru, cawquïritejj Jericó marca uñcatasincqui ucaru. Uca chekatwa Diosajj uñtayäna takpach Galaad sat orakenaca Dan tribun orakenacapcama;