Isaías 13:2 - Qullan Arunaca

² “¡Mä k'ara kollun nuwantasiñataqui! chimpu aptapjjam. ¡Soldadonacarusti nuwantañataqui arsupjjaraquim! ¡Ampar aytapjjam sarantapjjañapataqui jach'a jilïrinacan puncunacap cheka mantasa!

Aymar Bibliia 1986

² “¡Mä k'ara kollun nuwantasiñataqui! chimpu aptapjjam. ¡Soldadonacarusti nuwantañataqui arsupjjaraquim! ¡Ampar aytapjjam sarantapjjañapataqui jach'a jilïrinacan puncunacap cheka mantasa!

Qullan Arunaka DC

² “¡Mä jach'a qullu patxar mä wiphal sayt'ayapxam! ¡Soldadonakarusti nuwantapxañapatak art'apxam! ¡Sarantapxañapatak ampar aytapxam! ¡Punkunakap chiq jilïrinakan mantapxañapataki!

Isaías 13:2 Jak'a apnaqawi uñst'ayäwi

Salmos 60:4

jichhasti arquirinacamarojj mä chimpuy churam, mich'inacat jaltjjapjjañapataqui.

Isaías 10:32

Uñisiristi jichpacharaquiwa Nob sisqui uca chekar sayt'i; ucatsti unañchäwi churaraqui Sión Kollur nuwantañataqui, Jerusalenan jisc'a kolluparu.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 11:15

Tatitusti jupanacataquejj Mar Rojo kota chekwa thacjja jist'arani; Eufrates jawirjjaruraquiw amparapjja loktanini, mä jach'a thaywa thayt'ayaniraquini, pakallko lokanacaruraquiw jaljani, ucatsti jan wisqhunacap apsusisaraquiw maqhatapjjani.

Isaías 18:3

Take jumanaca acapachan jaquiri jakenaca, uñjapjjätaw cunapachatejj kollun mä chimpojj aptatäcan uca, ist'apjjaraquïtawa cunapachatejj trompetajj phust'ascani ucsa.

Isaías 19:16

Uca urunjja Egipcio jakenacajj warminacjamaw tucjjapjjani, wal ajjsarapjjani qhathatipjjaraquiniwa take ch'amani Tatitur jupanac toke sartir uñjasajja.

Isaías 31:9

ajjsarañatsa reyipajj jaltjjaniwa, capitananacapasti wiphalap apanucusin cuttawayjjapjjaraquini. Tatitusti acwa arsu. Jerusalenansti, mä ninaw utji uñisirinacaparu mutuyañataqui.

Isaías 5:26

Tatitusti mä wiphalwa apti, jayanquir marcarusti qhuyt'asaraquiw jawsi; wali jaya oraketpachwa jutayaraqui. Ucspacharaquiw juti, mäquiw puriniraqui;

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 50:41

“Amsta tokenquiri jaya marcanacatpachwa mä jach'a ch'amani marcajj jutantasqui walja reyinacampi cuna.

Jeremías 51:12

¡Babilonia marcan perkanacaparu nuwantañataquisti chimpunaca churapjjaraquim! ¡Guardianacarusti juc'ampi yapjjatapjjaraquim ch'amanïpjjañapataqui! ¡Uñch'uquirinaca uscupjjaraquim! ¡Imantasisin suyjjatapjjaraquim jupan uñisirinacaparojja! Tatitusti, cuntejj Babilonia marcan utjiri jakenacatac amtcatayna, ucat yatiycaraquïna ucanacwa phokhascaraqui.

Jeremías 51:25

Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Jeremías 51:58

Babilonian uca thuru perkanacapasti k'ala liwinucutaraquïniwa, uca jach'a puncunacapas ninampi naqhantayataraquïniwa. Marcanacasa inamayaquiw sayt'ayapjjaraquejja, ch'ama tucutanacapasa ninanwa tucusiraquini.” Take ch'amani Tatituw ucjja arsu.