Isaías 11:4 - Qullan Arunaca

⁴ Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Aymar Bibliia 1986

⁴ Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Qullan Arunaka DC

⁴ Aynacht'atanakarux chiqa luräwimpiw uñjani, t'aqhin jakirinakarux arxatarakiniwa. Qhuru jaqinakarux mutuyaniwa, jan wali jaqinakarux jiwarayaniwa. Arunakapax mä kamachïkaspas ukhamäniwa.

Isaías 11:4 Jak'a apnaqawi uñst'ayäwi

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

Job 15:30

Janiw ch'amacanacat jaltañataqui ch'amanïpcaniti. Cunjämatejj ninajj mä alirojj ch'ich'ekatanacapa nacsojja uqhamaraquïnïwa, cunjämatejj thayajj waña laphinac willirtayejja uqhama.

Job 4:9

Diosasti colerasiñapanjja jupanacjjaruw phust'ani, ucatsti k'alwa tucjaraqui.

Salmos 110:2

Tatitojj Sión kollutpach ch'aman cancañ thujru ayjjaruyätam. “¡Jumamp timasirinacarojj atipjamaya!

Salmos 18:8

nasapat jiwk'ew mistüna, lacapatsti naqhantir ninaw lawrsüna, lacapat q'illim sanc'anac thusanïna.

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Isaías 13:11

Tatitusti siwa: “Acapacharojj ñankha luratapatjja mutuyäwa, ñankha jakenacarusti, jake jiwayatanacapatwa mutuyaraquï. Jach'a jach'a tucur jakenacarusti uca jach'a jach'a tucuñapjja tucjäwa, ñankha khoru jakenacarusti jisc'achjaraquïwa.

Isaías 14:30

Pobrenacataquejj nayan orakejjanjja pastojj utjaniw uywanacapataqui, jan kollken jakenacasti sumaquiraquiw samarasipjjani. Ucampisa nayajj jakenacamarojj mank'at jiwarayä, mä juc'a jilt'irinacarusti jiwarayaraquïwa.

Isaías 16:5

Davidan wawanacapat mayniw apnakani, jupan apnakañapasti qhuyapayasiñampi suma utt'ayataraquïniwa. Jupajj chekaparu uñjirïniwa, taketaquiw asquin sarnakañ uscuraquini, janc'aquiraquiw chekar uñjäwis puriniraquini.

Isaías 2:4

Tatituw take marcanacaru taripani, walja marcanacan ch'ajjwatanacapwa t'akjaraquini. Uca marcanacasti espadanacapjja kholliñ aradoruw tucuyjjapjjani, lanzanacapsti yawthapiñ hocenacaruraqui. Janiraquiw cawquïr marcas yakha marcampejj nuwasiñatac sartcaniti. Janiraquiw guerran nuwasiñataquis yatichäwinacjja catokapcaniti.

Isaías 26:6

uqhamat alt'at chuymani jakenacas, pobrenacas taquichasipjjañapataqui.”

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 30:28

samanapasti mä jach'a jawirat jilarquir umanacjamawa, uca umanacasti cuncacama puririraquiwa; jupasti mä jach'a ch'amani t'akhesiñwa marcanacatac apani, uqhamat aynacht'ayañataqui, marcanacan lacanacaparusti frenompjamaw uchanti uqhamat maysar saranucuyañataqui.

Isaías 30:31

Tatitun arunacap ist'asinsti, uqhamaraqui mutuyäwip catokasinsa, Asiria marcajj ajjsaraniwa,

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Isaías 32:1

Mä reyiw utjani, jupasti chekaparuraquiw apnakani, marca apnakerinacasti cheka uñjäwimpiw apnakapjjaraquini.

Isaías 32:7

Jan wali sallka jakejja jan walinacacpun lurasqui, jan walinacaracwa amtasqui, pobrenacarusti c'arisiñanacapampiw aynacht'ayi, uqhamaraqui chekaparu uñjäwi mayir jakerusa.

Isaías 33:22

Uca barcon pitanacapasti janiw barcon jach'a lawapjja catjjäscaspati, velopasti janiw janatatañjamäquiti. Uñisirinacasatsti uca kamir cancañanacapjja aparañäni, juyqhus jupanccani ucjja catokaniwa, suchunacasti apsuñaruw uscusipjjani. Tatituw chekapar uñjirisajja, jiwasan apnakerisajja, jiwasan reyisajja, jupaw khespiyistani.

Isaías 40:7

Korajj wañsuwayjjaquiwa, pankaras ancuntawayjjaquiraquiwa, cunapachatejj Tatitun phust'atapajj uca cheka pasawayi ucqhajja. Chekpachansa jakejj mä koraru uñtataquiwa.

Isaías 49:2

Lajjrajjsti mä ari espadäcaspas uqhamwa tucuyaraqui, amparapampiraquiw imantasitu, mä ari flechjamwa tucuyaraquitu, flecha imasiñaparuraquiw imasjjetu.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 33:15

Uca uru purincani ucapachasti Davidataquejj mä jupan wawapwa utjayaraquëjja, juparaquiw aca marcanjja asquimpi chekapampi utjayani;

Jeremías 5:28

wali pokontatäpjjewa, suma mankt'ataraqui. Ñankha luratanacapasti janiw korpanïquiti. Janiw wajcharojj chekaparu uñjapquiti, pobrenacarus janiraquiw chekaparu uñjapquiti.

Oseas 6:5

Ucatwa profetanac toke t'unjapjjsmajja, arunacajj tokeraqui jiwayapjjaracsmajja. Nayan cheka cancañajjasti mä khanjamaw khant'aniraqui.

Sofonías 2:3

Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Malaquías 4:6

Juparaquiw awquinacampi wawanacampsa sumancthapiyjjani. Janitejj uqhamäcani ucapachasti nayaw jutä, ucatsti take marcpacharuraquiw mutuyaraquï k'ala t'unjasina.”

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 5:5

“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

Gálatas 5:23

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

2 Tesalonicenses 2:8

Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.

Tito 3:2

Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

Santiago 3:13

Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.

Apocalipsis 1:16

Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 2:16

Ucatpï jichhajj arrepientisiñamajja, jan ucasti nayajj mäquiw jutä, ucatsti jupanacampejj nuwasïwa lacajjat espadajj mistqui ucampi.