Isaías 10:5 - Qullan Arunaca

⁵ “¡Asiria marcanquir rey! Jupajj nayataquejj mä lawäcaspas uqhamawa, ucampiraquiw colerasiñajjanjja marcajjarojj mutuyäjja, uca varampiraquiw colerasiñajjanjja nayajj mutuyaraquëjja,

Aymar Bibliia 1986

⁵ “¡Asiria marcanquir rey! Jupajj nayataquejj mä lawäcaspas uqhamawa, ucampiraquiw colerasiñajjanjja marcajjarojj mutuyäjja, uca varampiraquiw colerasiñajjanjja nayajj mutuyaraquëjja,

Qullan Arunaka DC

⁵ “Tatitux siwa: Nayax wali q'apisitätwa; ukat Asiriankir reyimpiru, ñanqhachapkitu ukanakampirux mutuyä.

Isaías 10:5 Jak'a apnaqawi uñst'ayäwi

Génesis 10:11

Ucsa tokenacatwa Asurajj mistüna, ucatsti Nínive, Rehobot-ir, Cala uca marcanacwa sayt'ayäna,

2 Reyes 18:25

Uqhamarusa, ¿jumajj amuytati nayana uqhamaqui aca marcaru nuwiri jutatajja, tucjiri jan Tatitun yanapampejja? ¡Tatituwa nayarojja qhitanitu aca marcar nuwantañataqui uqhamarac tucjañajjataquisa!’ —sasa.

2 Reyes 19:25

Ucampis ¿janit yatcäyätajja naya Tatituna take acanaca wact'ayatajj-jja? Nayrapachanacatpachwa acanacjja wact'ayta, jichhasti ucjja lurtwa; ucatwa jumajj tucjtajja nuwasiñatac perkampi lurat marcanacjja, tucjata montonanacaruwa tucuyaractajja.

Salmos 125:3

Ñankha lurir jakenacan munañan cancañapajj janiw wiñayatac asqui jakenacar apnakcaniti; asqui jakenacan ñankha jan lurasipcañapataqui.

Salmos 17:14

Tatay, ch'amamampiy jupanacat khespiyita; acapachat jupanacar jakonucum, acapachan jacañapajj tucuspan; yänacampejj kamirquipstasipcacpan, wawanacapajj phallañcam mank'apjjpan, allchhinacapataquis jilt'ascacpan.

Isaías 10:15

Ucampisa, ¿hachasti, qhititejj apnakqui ucat sipan juc'ampïspati? ¿Serruchosa qhititejj apnakqui ucat sipansa juc'ampïspati? ¡Cunjämaquitejj thujrojj alek mä lawaqui, jupas jakerojj ucsaru acsaru apcaspa uqhama!

Isaías 10:25

Mä kawkha pachatjja mutuyäwejj utjapuniniwa, colerasiñajjaw jupanacarojj tucjaraquini.

Isaías 13:5

Wali jaya marcatwa juti, jaken jan uñjcat jaya marcata. Ucasti Tatituwa, colerasiñapan phokt'ataw juti, take aca orakpacharu t'unjañataqui.

Isaías 14:24

Take ch'amani Tatitusti juramentompiw arsu: “Janiw khepar cuttañajj utjquiti, cuntejj amtcta ucajj phokhasipuniniwa, cunjämarutejj amtcta ucajj lurasipuniniwa.

Isaías 14:25

Asiria marcarojj t'unjäwa, kollunacajjanwa k'al juparojj tucjä. Jupan t'akhesiyañapasti marcajjarojj janiw juc'ampi t'akhesiycjjaniti. Jupan khoru cancañapas janiw juc'ampi marcajj- jjancjjaniti.

Isaías 23:13

Uñtapjjam aca orake, barconacataqui sata orake. Caldeo jakenacajj torrenac sayt'ayapjje, Sidonanquir palacionacsa pampwa sarayapjjaraqui, k'ala t'unjatwa apanucupjjaraqui. Jupanacaw juchanïpjjänjja, janiw Asiriati.

Isaías 26:20

Nayan marcajja, sartasim, ucatsti utamar mantam, ucatsti puncum jist'catasinim, imantasiraquim, Tatitun colerasiñapajj pasañapcama.

Isaías 29:2

nayasti Arielarojj jan walt'añaruw uchascäjja, warariñanacampi aykoñanacampiraquiw utjani. Marcasti nayataquejj chekpachansa Arieljamapuniraquïniwa.

Isaías 30:27

Uñtapjjam, Tatituw jupa quipca jutasqui jayatpacha, colerasiñapasti walpun naqhascaraqui mä jach'a ninäcaspas uqhama, lacanacapasti colerasiñampi phokhantatawa, lajjrapasti tucjir ninjamawa,

Isaías 30:30

Tatitusti jach'a arupwa ist'ayaraquini, jach'a ch'amapsti uñacht'ayaraquiniwa, ajjsarcañ colerampiraquiw lurani, mä akquir ninan naqhatapjama, rayonacampi, jallumpi, chhijchhimpi cuna.

Isaías 30:9

Aca marcajj Diosataqui sayt'asir marcawa, janiw take chuymäcaraquiti, janiraquiw Tatitun yatichäwinacapsa ist'añ munapquiti.

Isaías 34:2

Tatitusti marcanacataquejja, uqhamaraqui take ejercitonacapataquisa coleratawa, jiwayañataqui, t'unjañataquiw juchañchascaraqui.

Isaías 66:14

Cunapachatejj jumanacajj acanac uñjapjjäta ucapachajj chuymanacamajj cusisiniwa; janchinacamasti mä korar uñtataraquiw ch'ich'tanini. Tatitusti sirvirinacap taypinjja ch'amapwa uñacht'ayani, uñisirinacap taypinsti colerasiñapa uñacht'ayaraquini.

Isaías 7:17

“Tatituw jumjjarojj jutayani, marcamjjaru, reyin utapjjarusa, cawquïri urunacatejj jan jutcäna uca urunaca, Efrainajj Judá marcatjja yakhaktcäna uca urunacatpacha.” (Acajj Asirian reyiparuw sañ muni).

Isaías 7:20

Uca urunsti Tatitojj Asirianquir reyirojj Eufrates jawirat qhursanquiri mayt'ata cuchillöcaspas uqhamwa tucuyani, israelitanacarusti uca cuchillompiw ñic'utsa, sunqhanacsa, uqhamaraqui aynach tokenacsa yawiraraquini.

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Isaías 8:7

Jichhajj Tatitojj jupanacarojj mä jach'a jalir ch'amani umampiw phokhantani, ucasti Eufrates jawirawa, (mä toketjja pachpa Asiria marcanquir jach'a ch'amani reyiwa.) Uca umanacasti take canalanacapatjja jilaraniwa, take thiyanacapatwa jilararaquini,

Ezequiel 22:31

Ucatwa nayajj mutuyäwejja apayantjja, take jupanacjjaru, colerasiñajjsti mä ninjamwa wartaniractjja, ucampiwa jupanacarojj t'unjaracta, uqhamat sarnakäwinacapat wayt'asa. Naya Tatituw ucjja arsta.’ ”

Ezequiel 7:10

“¡Acajj uca urojja! ¡Purinjjewa! ¡T'unjatäñasti purinjjewa! Take chekansa ñankha lurañanacaquiw utjasqui, jakenacan ñankha luratanacapasti sintipunëjjaraquiwa.

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Nahúm 1:1

Aca yatiyäwisti Nínive marcaru apayatawa, Elcosanquir Nahuman unañchäwi uñjatapa libroraquiwa.

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Sofonías 2:13

Jupasti alay tokeruw amparapa loktaraquini, Asiria marcar t'unjañataqui, Nínive marcarusa jan jakenwa tucjaraquini, mä waña oraker tucuyasaraqui.

Números 24:24

Chipre thiyanacatwa barconacas jutapjje, ucatsti k'al tucjapjjani, Asiria, uqhamarac Heber marcanacjja, Heber marcas t'unjataraquïniwa” sasa.