Isaías 1:9 - Qullan Arunaca

⁹ Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Aymar Bibliia 1986

⁹ Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Qullan Arunaka DC

⁹ Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 1:9 Jak'a apnaqawi uñst'ayäwi

Génesis 18:26

Ucatsti Tatitojj saraquïnwa: —Pheska tunca asqui jakenactejj uca Sodoma marcan jicjjäta ucqhajj, uca jan juchani jakenac laycojj perdonäw take uca marcan jaquir jakenacarojja —sasa.

Génesis 18:32

Abrahamajj sascaquïnwa: —Tata, jan nayatac colerasimti, aca maya cutimpi arst'ä, ucatsti janiw mayampsa parlcjjäti, ¿tunca jan juchani jakenacaqui jicjjatasma ucqhajj cunsa lurasma? —sasa. Tatitusti saraquïnwa: —Uca tuncani laycojj janiw marcarojj t'unjcäti —sasa.

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

1 Reyes 19:18

Ucjjarusti nayajj Israelanjja utjayäwa pakallk waranka jakenaca Baal diosaru jan quillt'asirinaca, ni jamp'att'apquisa ucanaca” sasa.

2 Reyes 19:4

Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.

Isaías 1:8

Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 11:16

Cunapachatejj uca Tatitun marcapat jilt'irinacajj Asiriat cuttanjjan ucqhajj mä jach'a thaqui jicjjatapjjaraquini, cunjämtejj Israelajj Egiptot mistuncänjja uqhama.

Isaías 17:6

cawqhantejj mä kawkha jilt'irinacaqui armt'atäquejj uqhama; jan ucajj cunjämtejj olivos kokajj thalsutäqui, ucatsti mä kawkha aceitunanacaqui jilt'jjejja uqhama, jan ucajj mä pusi jan ucajj mä pheska aceitunanacaqui jilt'jjejj uqhama.” Uqham siwa Israelan Tatitu Diosapajja.

Isaías 24:13

Uqhamaraquïniwa aca oraken utjiri take marcanacampejja, cunjämatejj thalsuta aceitunanacajj williratajj uqhama, jan ucajj uva k'ala thaksutajja uqhama, cunapachatejj cosechajj tucusjje ucqhajja.

Isaías 24:6

Ucatwa jichhajj maldicionajj aca orakjja tucji, jakenacapasti jichhajj mutuyäwi catokapjjaraqui. Ucatwa jichhajj jakejj tucusjjaraqui, juc'aniquiraquiw kheparjje.

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Isaías 46:3

“Jacobon wawanacapa, ist'apjjeta, take qhitinacatejj Israel marcat jilt'apcta ucanaca. Janïraw jumanacajj nacipctati ucqhatpachwa k'epnakapjjsma, amparajjaruw ichusipjjsma.

Isaías 6:13

Inas mä kawkha jakenaca kheparapjjchini, ucanacas tucjataraquïniwa, cunjämatejj mä kokajj qhuchhunucusejja ucatsti tronco sapaquiw kheparjje —sasa. (Ucampis uca troncotjja mä suma kollana aliw ch'ichtanjjani).

Isaías 65:8

Tatitojj siwa; “Cunapachatejj uvanacajj suma pokort'atäqui ucapachajj jakejj janiw maysa jalaktayquiti, walja vino apsuñjamätap laycu. Uqhamracwa nayajj sirvirinacajjar munatajj laycojj lurä: Janiw marcpacha tucjcäti.

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 42:2

jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Jeremías 50:20

Naya Tatituw ucjja arsta: Uca urunacanjja Israel, uqhamaraqui Judá marcasa, take juchanacapatjja khespiyatäjjapjjaniwa, nayaw perdonaraquï, qhitinacarutejj jacañani jaytapcän ucanacaru.

Lamentaciones 3:22

Tatitun munasiñapasti, qhuyapayasiñapasa jan tucusquiriraquiwa.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Ezequiel 14:22

Mä kawkhaniquiw ucanjja kheparapjjani, uca chekatjja yokanacapampi, phuchanacapampiw mistunjjapjjaraquini. Cunapachatejj jupanacajj jumanacan ucaru jutapjjani, ucapachaw jumanacajj uñjapjjäta cunjämtejj sarnakapcatayna uqhamaraqui cunanactejj lurapcatayna take ucanaca. Ucatsti cuna mutuyäwtejj Jerusalén marcjjaru apayancta ucatsti chuymachasjjapjjaraquïtawa.

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Mateo 7:14

Jacañaru irpiri thaquisti wali c'ullc'uwa, puncupas uca quicpa c'ullc'uraquiwa, juc'aniquiraquiw ucarojj mantapjje.

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

Romanos 9:29

Uca quipca Isaiasaw aqham säna: “Take ch'aman Tatitutejj jiwasanacan awquinacasar jan wawanac churcasapän ucajja, jiwasanacajj Sodomanquirinacjama, Gomorranquirinacjamaraquïsänwa” sasa.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.