Isaías 1:8 - Qullan Arunaca

⁸ Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Aymar Bibliia 1986

⁸ Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Qullan Arunaka DC

⁸ Jerusalén markakiw uka t'unjatäñat qhispiwayi, ukampis apanukut markaw uñjasiwayi, melón yapunak uñjañ mä chhujllar sapak apanukutjama, uñisirinakapan muyuntat markjama.

Isaías 1:8 Jak'a apnaqawi uñst'ayäwi

Job 27:18

Ñankha jaken utapajj mä jamach'i taparu uñtata t'unjtiriquiwa, pampan uñjirin chhujllapar uñtataquiwa.

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 10:32

Uñisiristi jichpacharaquiwa Nob sisqui uca chekar sayt'i; ucatsti unañchäwi churaraqui Sión Kollur nuwantañataqui, Jerusalenan jisc'a kolluparu.

Isaías 29:3

Ejercitojjwa qhitanïma jumar muyuntañapataqui, jumarusti mä perkampjamaraquiw muyuntayäma, nuwantaña chekanac jumataquejj waquicharaquï.

Isaías 30:17

Warankanacaw mä sapa jaken ajjsarayata jaltjjapjjani, take jumanacasti pheskanin ajjsarayataquiw jaltjjapjjäta, juc'aniqui kheparapjjañamcama, cunjämatejj mä lawajj mä kollu patan sayt'jjejj uqhama, jan ucajj cunjämatejj mä chimpojj sayt'ayatajj mä kollu patan uñstejj uqhama.

Isaías 37:22

Tatitusti Asirianquir reyitjja aqham saraquiwa: “Senaquerib, Sión marcajj mä tawakjamaw jumatjja larusi. Cunapachatejj jumajj sarjjta ucqhajj Jerusalén marcajj p'eke qhiwisisaw larusi.

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Isaías 4:4

Cunapachatejj Tatitojj taripäwi arunacap arsuni, ucarjama phokhañataqui. Jerusalenan jiwayasin wila wartatanacapsti, k'omacharaquiniwa. Uqhamaraquiw Sión marcan utjasirinacarus k'omacharaquini.

Isaías 49:21

Jumasti chuymamanjja saraquïtawa: ‘¿Qhitis aca wawanacsti churitu? Janiw nayajj wawanacanïcayätti, janiw wawanïñs yatcayätti; nayajj jayaru apanucutäyätwa, jayarst'ayataraqui; ¿qhitirac jupanacar uywpachänsti? Sapacwa nayarojj apanucuwayapjjetänjja, ¿cawquitrac jutapjjpachasti?’ ” sasa.

Isaías 62:11

Tatituw acjja yatiyascaraqui aca orake tucuscama: “Sión marcarusti, sapjjaraquim, ‘Khespiyirimajj purinjjewa’ sasa. Tatituw marcapar khespiyasiñjja wasitat apasinjje.”

Isaías 8:8

Judá orakcamaw pasaraquini, chhaktayaraquiniwa, umacamaquiraquïniwa, cuncacamaraquiw purini. Chhekha ayatatata jamach'jamäniwa, Emanuel, orakemjja k'al chhaktayaraquini.”

Jeremías 4:17

Judá orakerusti yapunac uñjirejj muyuntquejj uqhamwa muyuntapjjani, Tatitutaqui sayt'asitap laycu. Tatituw ucjja arsu, sasa.

Jeremías 6:2

Sión orakejj mä suma ch'ojjña orakjamawa,

Lamentaciones 2:1

Tatitun colerasiñapajj sinti jach'apuniwa, ¡ucqha suma Sión marcarusti k'alwa chhaktayaraqui! Israel marcan sumäñapsa pampa t'unjaraqui, alajjpachat acapacharus jakocancaspa uqhama. Colerasiñapansti janiraquiw pachpa cayunacapan utt'äwipatsa amtasquiti.

Lamentaciones 2:6

Kollana chekawjarusti, mä lunthatjamaw t'unjawayi, tantachasiñ chekawjsti k'alwa t'unjawayaraqui. Tatitusti Sión marcanjja, samarañ urunacatsa fiesta urunacatsa armasiyaraquistuwa. Akquiri colerasiñapansti sacerdoterusa, reyirusa apanucuwa.

Zacarías 2:10

“¡Cusisiñat k'ochupjjam, Jerusalenanquirinaca, nayan jumanac taypin jaquiri jutatajjata!” Tatitun arsüwipawa.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Juan 12:15

“Jan ajjsaramti, Sión marca; uñtam, Reyimaw juti, mä asnor konjjatata.”