Isaías 1:7 - Qullan Arunaca

⁷ Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Aymar Bibliia 1986

⁷ Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Qullan Arunaka DC

⁷ Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 1:7 Jak'a apnaqawi uñst'ayäwi

2 Crónicas 28:5

Ucatwa Tatit Diosapajj catuyäna sirianquiri reyin amparaparu, ucatsti sirio jakenacajja jupar atipjasinjja walja preso jakenacwa Damasco marcar apapjjäna. Uqhamaraquiw Tatitojj catuyaraquïna Israelanquir reyin amparaparu, juparusti mä jach'a atipjäwimpiw atipjäna.

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Salmos 107:39

Jiwarapcchi ucasa, juc'aniptapcchi ucasa, t'akhesiyat uñjasipjjatap laycuwa, chijinac laycu, llaquinac laycuraquiwa.

Salmos 109:11

Kollke mayt'irejj yänacap catuntasjjpan, jan uñt'at jakenac yänacap aparjjapjjpan.

Isaías 1:8

Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Isaías 34:9

Edom marcanquir jisc'a jawiranacan umanacapas alquitranjamäniwa, lak'anacapasa azufreruraquiw tucuni; orakesti alquitranjamaw naqhani.

Isaías 49:19

Marcamajj k'ala aynacht'atänwa, tucjata, khella tucuyataraqui; ucampis jichhajj orakemajj take jakenacamataquejj pisïniwa. Jumar tucjirinacasti jayancjjewa.

Isaías 5:17

Marcanacasti k'ala t'unjatäniwa, uca tincut perkanac taypinsti ovejanacampi cabritonacampiquiw mank'apjjani.

Isaías 5:9

Take ch'amani Tatitusti juramentompiw nayar situ: “Walja utanacaw t'unjatäni, jach'anacäscpasa, kawkha sumäscpasa, janiw qhitis ucanjja jacjjaniti.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Isaías 60:15

Janiw mayampis apanucutäpcätati, uñisita, sapaquiraqui, jan ucasti nayaw jumarojj wiñayataqui c'ajquir tucuyäma, wiñayataqui cusiscañaraqui.

Isaías 62:8

Tatitusti ch'amani cupi amparap aytasaw juramento luri: “Janipuniw mayampsa uñisirinacamampejj juman trigomjja mank'aycäti, janiraquiw jaya marcat jutir jakenacampis vinomjja umaycäti, ch'amamampi jicjjatatäsquiwa;

Isaías 64:10

Kollana marcanacamasti ch'usa wasararu tucuyatawa, Jerusalenasti tucjatawa, k'ala aynacht'ataraquiwa.

Isaías 9:18

Ñankha lurañasti jupanacarojj jisc'a jisc'wa tucji, cunjämatejj mä ninajj t'unanaca, ch'aphinacsa naqhantquejj uqhama, ucjjarusti kokanaca, ch'uminaca naqhantqui uqhama, ucatsti tutuca thayaw jek'empi chica chhaktayatäpjje.

Isaías 9:5

Soldadonacajj botasanacap suenaycän ucanacajja, wilampi ch'allsut isinacasa, ninampi naqhantatäpjjaraquiniwa.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 44:6

Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Jeremías 6:8

Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Lamentaciones 5:2

Take cunanacajjas jichhajj yakha jakenacan amparapancjjewa, utanacajjsa yakha jakenacaquiw catuntasjjapjje.

Ezequiel 25:4

Jichhajj waliquiwa, ucatpï jumanacarojj inti jalsu tokenquiri marcanacan munañanacaparu catuyapjjämajja, uqhamat jupanacajj jumanacan orakenacama catuntasipjjañanacapataqui, campamentonaca sayt'ayapjjañanacapataqui, uqhamaraqui ucan utanacapa utachrantasipjjañapataqui. Jupanacasti jumanacan yapunacamatwa mank'apjjaraquini, jumanacan umaña lechematwa umapjjaraquini.

Ezequiel 30:12

Nilo jawirsti wañt'ayaraquïwa, aca marcjja khoru jakenacan amparaparuw catuyaraquëjja. Uca jaya marcat jutir jakenacampiw aca marcjja t'unjaraquëjja, take cunanacatejj uca marcan utjqui ucanacjja. Naya Tatituw ucjja arsta.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Levítico 26:34

Ucapachasti jumanacan orakenacamajj samararaquiniwa, uqham t'unjata uñjasisajja, uqhamarac jumanacasa uñisirinacaman marcanacapan jacapcäta ucapachajja; uqhamatwa uca orakenacamajj samarapjjani, cunattejj nayra jan samarapcänti ucanacatjja.

Miqueas 5:11

Marcanacamsti k'alwa tucjaraquëjja, sayt'asiña chekanacamsti liwisiyaraquïwa;

Miqueas 6:13

Ucatwa jichhajj mutuyäma, jucha luratam laycusti k'alwa aynacht'ayaraquïma.

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.

Deuteronomio 28:43

Cawquïri yakha marcat jutir jakenacatï marcaman jacapqui ucanacajja, sapa cutiw juc'ampi juc'ampi ch'amani tucupjjani, ucampis jumajj juc'ampiquiw ch'amamjja chhaktayasjjäta.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.