Hechos 9:2 - Qullan Arunaca

² Jupasti uca jilïr sacerdotetjja arsüwinacapwa mayiraquïna Damasconquir sinagoganacar sarañataqui, ucan Cristor arquir jakenacar thakañataqui. Jicjjatasinsti, warminacsa, chachanacsa catuntasina Jerusalenar preso apaniñataquiw amtäna.

Aymar Bibliia 1986

² Jupasti uca jilïr sacerdotetjja arsüwinacapwa mayiraquïna Damasconquir sinagoganacar sarañataqui, ucan Cristor arquir jakenacar thakañataqui. Jicjjatasinsti, warminacsa, chachanacsa catuntasina Jerusalenar preso apaniñataquiw amtäna.

Qullan Arunaka DC

² mä qillqat mayiri, Damasco markankir sinagoganakar sarañataki, Cristor arkir jaqinakar thaqhiri, ukatsti, warminaksa, chachanaksa katuntasin Jerusalenar apaniñataki.

Hechos 9:2 Jak'a apnaqawi uñst'ayäwi

Génesis 14:15

Arumasti, Abramampi jakenacapampejj acatjamatwa reyinacarojj nuwantapjjäna, ucatsti Hoba sisqui ucacamaw arctapjjäna, Damasco marcat amstäjjanquiwa,

Isaías 17:1

Damasco marca toke profecía arunaca: “Damascojj janiw juc'ampi marcäcjjaniti, jan ucasti mä t'unjat marca mayjaru allthapitaquëjjaniwa,

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Mateo 10:17

Amuyasipjjaraquim, jakenacajj jilïr autoridadanacaruw catuyapjjätam, ucatsti sinagoganacanracwa jawk'jayapjjätam.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Hechos 18:25

Tatitun thaquipjjatjja sumwa yatiraquïna. Cusisit chuymampiraquiw parläna, Jesusjjat khanpach yatichasa, Juanan bautismopacsa uñt'cchïna ucasa.

Hechos 19:23

Ucürunacansti mä ch'ajjwaw utjäna, Tatitun thaquipjjata.

Hechos 19:9

Ucampis yakhepanacajj chuymanacap kalarayasisinjja, janiw iyawsañ munapcänti, jan ucasti jakenacan nayrakatapanjja evangelio contraw jan walinac parlapjjäna. Uqham uñjasinwa Pablojj jupanacatjja jithektawayjje. Iyawsirinacarusti jupamp chicwa irpjjaraqui. Ucatsti sapüruraquiw Pablojj Tirano jaken utapan Diosan arunacap parläna.

Hechos 24:14

Ucampis nayajj arstwa, awquinacajjan Diosapar sirvitajja, aca machak yatichäwi sapqui ucarjama. Iyawsaractwa cunatejj leyinsa, profetanacansa kellkatäqui uca arunacaru.

Hechos 24:22

Ucanac ist'asinsti, Félix marca apnakerejj aca ch'ajjwjja uqhamaruwa jaytjjäna. Sumracwa yatïna Tatitur arquir jakenacan sarnakäwipjja. Pablorusti saraquïnwa: —Lisias comandantejj jutcani ucqhaw take aca ch'ajjwanacamata juc'ampi yatjjatä —sasa.

Hechos 26:10

Uqhamwa nayajj Jerusalenanjja lurta. Sacerdotenacan jilïrinacapan arsutanacapampejj nayajj Tatitur iyawsir jakenacatjja, waljaniruw carcelar uchantayta. Jiwayapcän ucqhasti: ‘Waliquiw’ saraquïyätwa.

Hechos 26:12

“Uca amtäwimpiw nayajj Damasco marcar sarascäyäta, jach'a jilïr sacerdotenacan arsutanacap phokhañataqui.

Hechos 6:9

Ucapachasti “Antutat Esclavonaca” satäcän ucanacatsti mä kawkhaniw sinagogat Esteban contra sartapjjäna. Uqhamarac yakhep Cirenenquirinacampi, Alejandrianquirinacampi, Asianquirinacamp cuna, Estebanamp jisqhintasiñataqui.

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.

Hechos 9:14

Jichhas jupajj ucaruw jutascaraqui, jach'a sacerdotenacan arsutanacapampi, Tatitun take arquirinacapar catuntañataqui —sasa.

Hechos 9:21

Take jupar ist'irinacasti muspharasipjjänwa. Ucatsti sapjjaraquïnwa: —¿Janit acajj Jerusalenan Tatitur iyawsirinacar arcnaker jakëqui? ¿Janiraquit jupajj acar jutqui jupanacar ñach'antat apañataqui jilïr sacerdotenacan ucaru? —sasa.

2 Corintios 11:32

Damasco marcanccäyät ucqhajja, Aretas sat reyir sirviri gobernadorajja, guardianacwa marca puncunacarojj uscuntäna nayar catuntañataqui,

Gálatas 1:17

Janiraquiw Jerusalenarus nayat nayra apostolonacar jisct'asir sarcaractti. Jan ucajj ucspachaw Arabia ucsa tokeru sarjjta, ucatsti Damascoruw cuttanjjaractjja.