Hechos 8:10 - Qullan Arunaca

¹⁰ Takeniw juparojj wali suma ist'apjjäna, jisc'at jach'acama. Sapjjaraquïnwa: “Aca jakejj Diosan jach'a ch'amapaniwa” sasa.

Aymar Bibliia 1986

¹⁰ Takeniw juparojj wali suma ist'apjjäna, jisc'at jach'acama. Sapjjaraquïnwa: “Aca jakejj Diosan jach'a ch'amapaniwa” sasa.

Qullan Arunaka DC

¹⁰ Taqiniw juparux wali suma ist'apxäna, jisk'at jach'a jaqikama, sapxarakïnwa: “Aka jaqix ‘Diosan jach'a ch'amapa’, sapki ukawa” sasa.

Hechos 8:10 Jak'a apnaqawi uñst'ayäwi

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Jeremías 42:1

Take jilïrinacasti, Carea jaken Johanán yokapa, uqhamaraqui Osaías jaken Azarías sat yokapa, take jakenacampi jisc'a jach'a,

Jeremías 6:13

“Takenisa, jisc'as jach'asa, lunthatasiñampi jicjjatañatacwa lup'isipquejja; profetanacasa, sacerdotenacasa, takeniw lunthatasiñaru catuyasipjje.

Jeremías 8:10

Ucatpï jichhajj warminacapjja yakhanacaru catuyäjja. Orakenacapsa yakhanacaruw catuyaraquëjja. Cunjämatejj jisc'as jach'asa, lunthatasiñampi ganañacwa amtasipqui; profetanacasa, sacerdotenacasa takeniw lunthatasiñaru catuyasipjje.

Jonás 3:5

Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Hechos 14:11

Pablor uqham lurir uñjasinjja, jakenacajj Licaonia aruta jach'at arsupjjäna: “¡Diosanacaw jaker uñtat jiwasanac taypir sarakanitayna!” sasa.

Hechos 28:6

Takeniw Pablon amparap p'usuntañap suyasipcäna. Sapjjaraquïnwa: “Acatjamatwa jiwt'ani” sasa. Ucampis jaypach suyapjjatapatsti Pablorojj janiw cunas camachcänti. Uqham uñjasinjja jakenacajj mayrac amuyapjjäna: Aca chachajj mä diosäpachaw, sasa.

1 Corintios 1:24

Ucampis qhitinacarutejj Diosajj jawsqui, judiöpasa, jan judiöpasa ucanacataquejj Cristojj Diosan yatiñ cancañapawa, ch'amaparaquiwa.

2 Corintios 11:19

Jumanacajj wali yatiñaninacäpjjstajjaya, ucampis catokasipcaractawa uca lokhe jakenacarojja.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

2 Pedro 2:2

Waljaniraquiwa uca k'añu luräwinacaparojj arcapjjani, jupanac laycuraquiw chekpach asqui thaquitjja jan walinacajj parlasini.

Apocalipsis 13:3

Uca animalan maynïri p'ekepasti wali chhojjriñchjatjamaquïnwa, ucampis uca chojjripajj kollatäjjänwa. Aca orakpacharaquiw uc uñjasajj wal muspharapjjäna, ucatsti uca animalaruraquiw arcapjjäna.