Hechos 7:5 - Qullan Arunaca

⁵ Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: ‘Jumajj jiwjjät ucajja, aca orakejj wawanacamancaniwa’ sasa. Ucürunacanjja Abrahamajj janïraw wawanïcänti.

Aymar Bibliia 1986

⁵ Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: “Jumajj jiwjjät ucajja, aca orakejj wawanacamancaniwa” sasa. Ucürunacanjja Abrahamajj janïraw wawanïcänti.

Qullan Arunaka DC

⁵ Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Hechos 7:5 Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 16:2

Ucatwa Abramarojj saraquïna: —Uñjam, Tatitojj janiw wawa apayquituti, ucampisa achict'asmawa Agar esclavasampi mayachasiñamataqui, inach uqhamat jupa toke wawanacanïrista —sasa. Abramasti cuntejj Sarai warmipajj siscatayna ucjja phokhänwa,

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 23:4

—Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Ezequiel 33:24

“Cawquïri jakenacatejj Israel marcan t'unjata marcanacapan jacapqui ucanacasti, aqham sasaw sarnakapjje: ‘Abraham chachajj sapaquïnwa, ucampisa jupajj take aca orakwa catuntasïnjja; jiwasasti waljanïtanwa, ucatsti jan ch'ama tucusaquiw aca orakjja catuntasiñäni’ sasa.

Deuteronomio 10:11

Jan ucasti Tatitu Diosajj nayarojj sitänwa: ‘Saram waquicht'asiraquim marcan nayrap sarañataqui, uqhamata jupanacan sarapjjañapataqui uca orake catuntañataqui, cawquïrtï awquinacamaru churä siscayät ucaru’ sasa.

Deuteronomio 11:9

Ucatsti walja maranaca jacapjjañamataqui uca orakena, cawquïrtï Diosajj arupampi arsüna jumanacan awquinacamaru uqhamarac wawanacaparu churañataqui, cawqha orakentï leches misq'is umjam jalasqui ucana.

Deuteronomio 2:5

Janiraqui jumanacajj jupanacarojj nuwantapjjamti, nayasti janiw mä jisc'a oraksa uca marcat churapcämati, uca Seir sat kollunacsti Esaú chachan wawanacaparuw churjjta.

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.