Hechos 6:3 - Qullan Arunaca

³ Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

Aymar Bibliia 1986

³ Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

Qullan Arunaka DC

³ Ukhamasti jilatanaka, jumanak taypit paqallq chachanak ajllipxam. Uka chachanakasti sarnaqäwinakapan aski chachanakäñapawa, Qullan Ajayump phuqt'ata, suma amuyt'irinakaraki, jupanakaruw uka lurañanak churañäni.

Hechos 6:3 Jak'a apnaqawi uñst'ayäwi

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Isaías 28:26

Diosaw juparojj yatichi cunjäma lurañapäquitejj ucjja.

Isaías 28:6

tribunalansti juezanacarojj chekapa amuyu churani, marca arjjatiri soldadonacarusti ch'ama churaraquini.

Mateo 23:8

“Jumanacasti janiw ‘yatichiri’ sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Juan 21:23

Ucatsti jupanacpuraw yatiyquipasipjjäna: “Uca discipulojj janiw jiwcaniti” sasa. Ucampis Jesusajj janiw siscänti: “Janiw jiwcaniti” sasajja, jan ucasti sänwa: “Nayatejj muniristjja jupan jacañapa nayan cutt'aniñajjcama ¿cuna waquisiris ucajj jumataqui?” sasa.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 1:21

“Jiwasanacamp chica Tatit Jesusar arquirinacasti utjiwa.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 15:23

Ucanacaruw cartjja apayapjjäna aqham sas kellkata: “Nanac apostolonacampi jilïrinacampi uqhamaraqui jilatanacampejj aruntanipjjsmawa Antioquianquir, uqhamarac Sirianquir, Cilicianquir jan judiöpquis uca jilatanacajjaru.

Hechos 16:2

Listranquir uqhamarac Iconionquir jilatanacasti uca Timoteorojj wali suma jaketwa uñt'apjjäna.

Hechos 2:4

Jupanacasti sapa mayniw Kollan Ajayumpi phokt'atäpjjäna. Ucatsti yakha arunac parlaña kalltapjjäna, cunjämarutejj Kollan Ajayojj parlaycäna uqhamarjama.

Hechos 22:12

“Uca marcansti mä chachaw utjäna, Ananías sata. Jupasti Moisesan leyip wali sum phokheriraquïnwa. Take Damasconquir judionacas juparojj wali sumat uñt'apjjäna.

Hechos 28:14

Ucansti mä kawkha jilatanacaruw jicjjatapjjta. Jupanacasti sapjjaraquituwa: “Mä seman kamart'awayañäni” sasa. Ucatsti khepürojj Roma marcaruraquiw mistuwayapjjta.

Hechos 6:2

Ucatsti tunca payan apostolonacajja take iyawsirinacar jawsthapisaw sapjjaraqui: —Nanacataquejj janiw walïquiti Diosan arunacap parlañ apanucusina mank'a sirviñajja.

Hechos 6:5

Aca arunacarusti takeniw: “Waliquiw” sapjjäna. Ucatsti Estebanaruw ajllipjjäna, qhititejj iyawsañampi, Kollan Ajayumpi phokt'atäcänsa ucaru. Uqhamaraquiw Feliperu, Prócoro, Nicanor, Timón, Parmenas, Antioquianquir Nicolasampiru. Uca Nicolás chachajj jan judiöcasin, judionacan saräwipar cutiquipstanitänwa.

Hechos 6:6

Ucanacarusti apostolonacan nayrakataparuw irpcatapjjäna. Ucat apostolonacajj amparanacap jupanacjjar lokjjatasinwa oración lurapjjäna.

Hechos 9:30

Jilatanacasti uc amuyasinjja Saulorojj Cesarearuw irpjjapjje. Ucatsti Tarso marcaruraquiw qhitjjapjjaraqui.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 16:3

Cunapachatï purincä ucqhasti Jerusalenaruw apayjjä qhitinacjjay jumanacajj qhitañatac ajllisipjjchïta ucanacampi, mä cartampi jumanacan ofrendanacam uca jilatanacatac apasa.

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Deuteronomio 1:13

Ucatsti jichhajj ajllisipjjamay sapakat tributa amuyt'ani, ch'iqhi, sarnakañsa yatiri jakenaca, uqhamat nayan uchañajjataqui jumanacan jach'a jilïri jakenacamäpjjañapataqui’ sasa.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

3 Juan 1:12

Takeniw Demetriotjja sum parlapjje, ucasti chekapunïsquiwa. Jiwasanacas yatiractanwa ucjja, jumanacas yatipjjaractawa cuntï chekac sasipcsma ucjja.