Hechos 5:9 - Qullan Arunaca

⁹ Pedrosti sascaquïnwa: —¿Cunats jumanacajj uqham yatichasipjjta Tatitun Ajayuparu c'arintañataqui? Acajjaya punc mantasinipqui chachaman jiwat amayapa imantanjjerinacajja, jichhasti jumaruraquiw apapjjätam —sasa.

Aymar Bibliia 1986

⁹ Pedrosti sascaquïnwa: —¿Cunats jumanacajj uqham yatichasipjjta Tatitun Ajayuparu c'arintañataqui? Acajjaya punc mantasinipqui chachaman jiwat amayapa imantanjjerinacajja, jichhasti jumaruraquiw apapjjätam —sasa.

Qullan Arunaka DC

⁹ Pedrosti saskakïnwa: —¿Kunatarak jumanakasti Tatitun Ajayupar yant'añatak ukham yatichasipxtasti? Uñtam, chachaman amayap imt'irinakax ukaxay jutasipki, jichhasti jumarurakiw apapxätam —sasa.

Hechos 5:9 Jak'a apnaqawi uñst'ayäwi

Génesis 20:13

Cunapachatejj Diosajj awquejjan utapat irpsunjjetu ucatjja nayaw juparojj sista, cawqharutejj purcañäni ucanjja, nayatjja “Jilajjaw” sañapapuni —sasa.

2 Reyes 6:32

Eliseosti utapanjja chuyman awquinacampiw konuscäna. Uccañcamasti reyejj jakenacapata mayni jakeparuw qhitanïna. Ucampis janirara reyin qhitapajj purincäna ucqhasti, Eliseojj uca awquinacarojj sänwa: —Uñjapjjam, cunjämsa uca jake jiwayirejj mayniru qhitani p'ekejja apakañapataqui. Ucampis ist'apjjeta: cunapachatï qhitapajj purincani ucqhasti puncu jist'antapjjam jan mantayanipjjamti, jupan khepapatsti reyin jutatapaw ist'asiraqui —sasa.

Salmos 50:18

Lunthatarojj khomantasaw catoktajja, wachokan sarnakerinacampiw chicachastajja;

Salmos 78:56

Jupanacasti Alajjpachanquir Diosarojj, arsutanacapar jan yäkasaw yant'apjjäna, kallasipjjaraquïna,

Éxodo 17:2

Ucatsti Moisesaruw mayipjjäna: —¡Uma churapjjeta umt'añataqui! —sasa. Ucat Moisesajj saraquïnwa: —¿Cunatsa nayaruqui mayipjjesta? ¿Cunatsa jumanacajj uqhama Diosaru yant'ar uchapjjta? —sasa.

Éxodo 17:7

Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Proverbios 11:21

Chekpachansa ñankha lurir jakejj janiw jan mutuyata kheparcaniti, ucampis asqui jakenacajj suma khespiyatäpjjaniwa.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,

Mateo 4:7

Jesusasti ucjjarojj sänwa: —Diosan arupanjja kellkataraquiwa: ‘Janiw Tatitu Diosamarojj yant'ätati’ —sasa.

Lucas 16:2

Ucat uca kamir jakejj jupar jawsasin säna: ‘¿Cunjämas jumat parlapquitu ucajja? Apnakatamat jacthapita catuyjjeta, janiw juc'amp yänacajj apnakericjjätati’ sasa.

Hechos 15:10

Jichhasti, ¿cunatarac pächasipjjtasti cuntï Diosajj lurqui ucjjatsti, mä jan lurcaya luräwinac jupanacjjar uchañ munasinsti? Ucanacjja janejjay jiwasanacas ni nayra awquinacasas phokhapcstantejja.

Hechos 5:6

Ucatsti mä kawkha waynanacaw jutasina, Ananiasan jiwat amayapjja llawuntapjje, ucatsti imäwiruw apjjapjjaraqui.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

1 Corintios 10:9

Janiraquiw jupanacjamas Diosarojj colerayañasäquiti. Uca lurapjjatap laycusti jupanacajj catarinacan jiwarayatäpjjänwa.