Hechos 5:12 - Qullan Arunaca

¹² Apostolonac tokejj walja uñacht'äwinacampi milagronacampiw lurasïna jakenac taypina. Pórtico de Salomón satäqui ucqharusti takeniw tantachasipjjäna.

Aymar Bibliia 1986

¹² Apostolonac tokejj walja uñacht'äwinacampi milagronacampiw lurasïna jakenac taypina. Pórtico de Salomón satäqui ucqharusti takeniw tantachasipjjäna.

Qullan Arunaka DC

¹² Diosax apostolunak tuqiw jaqinak taypin walja unañchäwinakampi, muspharkay luräwinakamp luraskakïna. Iyawsirinakax Salomonan Punkupa satäki ukawjan sapüruw taqpachan tantachasipxäna.

Hechos 5:12 Jak'a apnaqawi uñst'ayäwi

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Juan 10:23

Jesusajj templonwa sarnakascäna, Salomonan Portalapa satäquis ucawjana.

Juan 4:48

Jesusasti sänwa: —Janitejj milagronacsa ni unañchanacsa uñjapcasma ucajja janiw iyawsapcasmati —sasa.

Hechos 1:14

Jupanacasti mayaquiw tantachasipjjerïna, Tatitut oracionan mayisiñataqui. Ucancaraquïnwa Jesusan jilanacapajja, María taycapasa, yakha warminacampi cuna.

Hechos 14:3

Ucatwa Pablompi Bernabeampejj uca marcanjja jaypach urunac kamarapjjäna. Jan ajjsarasaraquiw parlapjjäna Tatitur catuyasisina, Tatituw jupanacarojj ch'am churaraquïna uñacht'äwinacampi milagronacampi lurapjjañapataqui. Uqhamatwa Tatitojj cuntejj jupanacajj Diosan munasiñapat parlapcäna uca arunacan chekätapjja khansuyi.

Hechos 16:18

Ucatsti walja urunacaw uqham arnakasisa arcnakapjjetäna. Ucampis Pablotaquejj ucajj janiw walïcänti. Ucatwa Pablojj cutiquipstasina, tawakoncquis uca ñankha ajayurojj säna: —Jesucriston sutiparuw sisma: ‘Uca tawakot mistum’ —sasa. Ñankha ajayusti ucspachaw tawakotjja mistuwayjje.

Hechos 19:11

Diosasti Pablo tokew jach'a milagronac luräna.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Hechos 28:9

Uc yatisinsti uca islan yakha usutanacasti Pablon ucaruw jutapjjäna, jupanacasti kollatäpjjaraquïnwa.

Hechos 3:11

C'umaraptayatäcäna uca cojo jakesti Pedrompita Juanampitjja janiw sarakañ muncänti. Take jakenacasti wali muspharataw jupanacan ucar chhucthapipjjäna, Pórtico de Salomón sisqui ucawjaru.

Hechos 4:30

Yanapt'apjjaraquitaya, jach'a ch'amamampi usutanacar kollañataqui, uqhamarac uñacht'äwinacsa, milagronacsa kollan Jesús Yokaman sutiparu lurapjjañajjataqui.”

Hechos 9:33

Ucanwa Eneas sat jakerojj jicjjatäna. Jupasti quimsakallk maraw iquiñancatayna, suchurnucstata.

Hechos 9:40

Pedrosti takeniruw ankar qhitsu. Ucatwa quillt'asisin Diosat mayi. Jiwat warmir uñjjatasinsti saraquiwa: “¡Tabita, sartam!” sasa. Ucspachaw warmejj uñatati, Pedror uñcatasinsti, kont'asiwa.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

2 Corintios 12:12

Jumanac taypin wali llamp'u chuymampi irnakatajja, uqhamarac uñacht'äwinacampi, milagronacampi, muspharcañanacampi luratajjawa chekpach apostolötajj-jja uñacht'ayi.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.