Hechos 27:1 - Qullan Arunaca

¹ Cunapachatejj Italia marcar qhitañataquejj amtapcän ucqhajja, Pablompi yakha presonacampejja, Julio sat mä capitanaruw catuyatäpjjäna. Uca capitanasti emperadoran batallonapanquirïnwa.

Aymar Bibliia 1986

¹ Cunapachatejj Italia marcar qhitañataquejj amtapcän ucqhajja, Pablompi yakha presonacampejja, Julio sat mä capitanaruw catuyatäpjjäna. Uca capitanasti emperadoran batallonapanquirïnwa.

Qullan Arunaka DC

¹ Italia markar nanak khithañatak amtapkän ukapachasti, Pablompiru yaqha katuntatanakampirux, Julio sat romano capitanaruw katuyapxäna. Uka capitanasti marka apnaqir jilïrin soldado tamapankirïnwa.

Hechos 27:1 Jak'a apnaqawi uñst'ayäwi

Génesis 50:20

Jumanacajj nayarojj jan walinac lurañ munapjjäyätajja, ucampis Diosaw uca jan waljja asquiru tucuyjje, cuntejj jichhajj uñjctan uca lurañataqui: walja jakenacan jacañanacapa khespiyañataqui.

Salmos 33:11

Tatitun amtäwinacapasti wiñayataquiwa, amtatanacapajj take pachanacan sayt'i.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Proverbios 19:21

Jakejj waljanacwa amti, ucampis Tatitun munañapaquiwa phokhasi.

Lamentaciones 3:27

Ucatpï waquisejja mä jakenjja Tatituruquipuni waynatpacha jaysañapajja.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 23:47

Cunapachatï romano capitanajj uqham uñjän ucqhajja, Diosaruw yupaychäna: —Chekpachansa aca jakejj janiw juchanïcänti —sasa.

Lucas 7:2

Ucansti mä romano capitanaw utjäna mä uywatani, juparusti wal munasïna. Uca uywatasti usuntata niya jiwirjamäscänwa.

Hechos 10:1

Cesarea marcan mä jakew utjäna, Cornelio sutini. Jupajj Italiano sata soldado taman capitanaparaquïnwa.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 16:10

Pablon uca unañchäwi uñjatapatsti ucspachaw Macedoniar sarañataqui waquichasipjjäyäta, khanpach Diosan jawsatapar amuyasina jupanacar yatiyañataqui Tatit toke khespiyasiñajj utjatapata.

Hechos 18:2

Ucansti Aquila sat judío jakeruw jicjjataraquïna. Jupasti Ponto tokenquirïnwa. Ucürunacaquiw Aquilajj Priscila warmipampi Italia marcat purisinipcatayna, Claudio sat jach'a jilïr reyin take judionacan Romat mistjjapjjañapataqui mä arsüwi mistsuyatap laycu. Pablojj ucanacar uñjiriw saräna.

Hechos 19:21

Ucanac khepatsti Pablojj Macedonia, Acaya tokenaca uñjt'aniñwa amtäna, ucatsti Jerusalenar sarjjañataquiraquiw jupajj säna: “Jerusalenar sarjjatatsti, Roma marcar sarañajjaraquiwa” sasa.

Hechos 21:32

Comandantesti uc yatisinjja, ucspachaw soldadonacar uqhamarac oficialanacarus jawsthapi. Ucatsti jalacamaraquiw jakenacan ucar puripjje. Jakenacajj comandantempir soldadonacampir uñjasinsti, janiw Pablorojj nuwjapcjjänti.

Hechos 22:26

Uc ist'asinsti capitanajj comandanter yatiyiriw sari, ucatsti sänwa: —¿Camachätasa? Aca jakejj romano jakëtaynawa —sasa.

Hechos 23:11

Uca khepa arumasti Tatituw Pablorojj uñstäna. Ucat juparojj saraquïna: “Ch'amañcht'asim, Pablo. Cunjämtejj aca Jerusalén marcan nayat parlctajja, uqhamaraquiw Roma marcan parlañamajja waquisi” sasa.

Hechos 23:17

Uc yatisinsti Pablojj mayni capitanaruw jawsi. Ucat saraqui: —Aca wayniturojj comandanten ucar irparapita. May yatiyañ muni —sasa.

Hechos 24:23

Félix marca apnakeristi capitanarojj saraquïnwa: Pablojj presoquïscpan ucampis jan cuna mutuñsa catokcpati, uqhamarac jupar tumpirinacasa uñjt'ascaquiracpan yanapt'añataqui, sasa.

Hechos 25:12

Uc ist'asinsti Festojj jupan amuyt'ayirinacapampiw parlt'asi. Ucatsti Pablorojj sänwa: —Jumajj emperadoramp uñjayasiñwa maytajja. Uqhamasti emperadoran ucaruw saräta —sasa.

Hechos 25:25

Ucampis nayan amuyatajjatjja, janiw cuna jan wali luratapas utjquiti jupar jiwayañatacjamajja. Jupa pachparaquiw mayitu emperadorampi uñjayasiñataqui. Ucatwa nayajj amtaracta emperadoran ucar irpayaña.

Hechos 27:11

Soldadonacan capitanapasti Pablor ist'cpachajja, barconquiriru, uqhamarac barco apnakeri capitanampiruquiw jaysäna.

Hechos 27:43

Ucampis soldadonacan capitanapajj Pablor khespiyañ munasinwa, soldadonacaparojj säna jan qhitirus jiwayapjjañapataqui. Saraquïnwa: “Qhitinacatejj uma patan tuyuñ yatipqui ucanacajj nayrakat umar thokontapjjam wañar mistjjañataqui.

Hechos 27:6

Ucansti soldadonacan capitanapajj mä barco jicjjati. Uca barcosti Alejandría marcanquirïnwa, Italiaruraquiw sarascäna. Uca barcotwa irpawayjjapjjetu.

Hechos 28:1

Cunapachatejj takpachani wañar mistjjapjjta, ucqhaquiw yatipjjta uca islan Malta satätapjja.

Hechos 28:16

Roma marcar purisinsti, [soldadonacan capitanapajj guardia jilïriparuw presonac catuyjje.] Pablorojj yakhawjaruw jaytapjje, mä soldadompi jupar uñjayasa.

Hebreos 13:24

Aruntapjjaraquim take irpirinacamaru, uqhamarac jilatanacarusa. Italianquirinacajj aruntanipjjaractamwa.