Hechos 26:9 - Qullan Arunaca

⁹ “Nayrajja, naya pachpawa Nazaretanquir Jesusan sutip contra jan walinac luraña amtäyäta.

Aymar Bibliia 1986

⁹ “Nayrajja, naya pachpawa Nazaretanquir Jesusan sutip contra jan walinac luraña amtäyäta.

Qullan Arunaka DC

⁹ “Nayrax, naya pachpaw Nazaretankir Jesusan sutip jisk'achas jan walinak lurañ amtäyäta.

Hechos 26:9 Jak'a apnaqawi uñst'ayäwi

Juan 15:21

Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Hechos 21:13

Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.

Hechos 22:3

“Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Hechos 22:4

Nayasti pasïr maranacanjja Tatitun arquirinacaparojj wali arcnakerïyätwa jiwayañcama. Uqhamarac chachanacarus warminacarus caturasin carcelaruw uchantayirïyäta.

Hechos 22:8

Nayajj ucjjarojj sistwa: ‘Tata ¿qhitïtas jumajja?’ Jupasti situwa: ‘Nayajj qhitirutejj jumajj arcnakcta uca Nazaretanquir Jesusätwa’ sasa.

Hechos 24:5

Nanacajj yatjjatapjjtwa aca jakejj marcar jan walt'ayirïtapa. Take chekanwa judionacarojj ch'ajjwayi, pitthapiraqui. Nazaretanquir Jesusan arquirinacapan p'ekechiriparaquiwa.

Hechos 3:17

“Jichhasti jilatanaca, nayajj yattwa jan sum amuyt'casaw jumanacasa, uqhamarac jilïrinacamasa Jesusarojj jiwayapjjtajja.

Hechos 3:6

Pedrosti sänwa: —Janiw koris, kollkes utjquituti, ucampis cunatï ujtquitu ucwa churäma: Nazaretanquir Jesucriston sutipar sayt'am, sartaraquim —sasa.

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

Romanos 10:2

Jupanac laycusti saractwa, jupanacanjj Diosatac munañ chuymajj utjasquiwa, ucampis jupanacan Diosar munañajj janiw chekpach amuyt'añjjanquiti.

Filipenses 3:6

Diosan iglesiapjja wali ch'amampiw uñisisa arcnakäyäta, leyirjam sum sarnakeriraqui jan qhitins camscaya, jan juchañchcayaraqui.

1 Timoteo 1:13

Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.

Jueces 6:30

Purisasti sapjjänwa: —¡Irpsunim uca yokamaru, jiwayapjjäwa. Jupawa Baal sat diosan altarapa allthapi, uqhamarac uca altar jac'ancqui uca ajjsarat koksa qhuchthapiraqui! —sasa.