Hechos 26:6 - Qullan Arunaca

⁶ Nayajj iyawstwa, Diosajj jiwatanacarojj jactayaniwa, cunjämtejj nanacan awquinacajjar arsuwaycatayna uqhamarjama. Ucatpï jichhajj nayarojj jupanacajj irpanipjjetojja, acan juchañchañataqui.

Aymar Bibliia 1986

⁶ Nayajj iyawstwa, Diosajj jiwatanacarojj jactayaniwa, cunjämtejj nanacan awquinacajjar arsuwaycatayna uqhamarjama. Ucatpï jichhajj nayarojj jupanacajj irpanipjjetojja, acan juchañchañataqui.

Qullan Arunaka DC

⁶ Jichhasti, nayra awkinakasar Diosax arskatayna, uka arsutapar iyawsañampi suyt'atax laykukiw jupanakax akan taripañatak nayar irpanipxitu.

Hechos 26:6 Jak'a apnaqawi uñst'ayäwi

Génesis 12:3

Qhitinacatejj bendicipjjätam ucanacarojj nayaw bendiciraquï, maldicipcätam ucanacarusti nayaw maldiciraquï; juma tokeraquiw take familianacas aca orakenjja bendicitäpjjani” sasa.

Génesis 22:18

take marcanacaraquiw jupanac toke bendicitäni, nayaru jaysatam laycu’ —sasa.

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Salmos 132:11

Tatitojj juramentompiw David chacharojj arsüna, uca arsutapatsti janiw may amtcaniti:

Salmos 132:17

Davidan ch'amap wasitat sartayä, ajllit reyejjataquejj mä khan khantayarapï.

Salmos 98:2

Tatituw atipjatap yatiyi, asqui cancañap marcanacar uñacht'ayi:

Isaías 4:2

Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Ezequiel 21:27

Take cunsa mayjaru t'unthapitwa jaytawayaraquëjja, take cunas t'unthapitcama. Ucampisa take ucanacajj lurasiniwa, cunapachatejj nayajj siscä qhitirutejj take acanaca lurañapataqui ucaru, uqhamat cheka cancañajj utjañapataqui.’

Ezequiel 37:24

David sirvirejjaw jupanacataquejj reyïni, jupa sapaquiw jupanacan awatiriparaquïni. Nayar ist'asaw sarnakapjjaraquini, leyinacajjsa, arsutanacajjsa phokhapjjaraquiniwa.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Abdías 1:21

Atipjañampiwa Sión kollurojj maqhatapjjani, qhitinacatï Esaun kollunacapan utjapquis ucanac contra arsuñataqui, ucansti Tatituraquiw apnakaraquini.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Miqueas 7:20

¡Tata munasiñamampi, cheka cancañamampjja janiquiy armasimti, Abraham, Jacob uca nayra awquinacajjaru arscäyätas ucanacjja!”

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Zacarías 6:12

Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Malaquías 3:1

Take ch'aman Diosasti siwa: “Nayaw mayni qhitä nayatac thaqui waquichañapataqui. Cawquïri Tatiturutï jumanacajj thakasipcäyäta, jupasti janc'aquiw temploparojj mantani. ¡Acajj purinjjewa cawquïri qhitatï suma arust'äwi apancani ucajja!”

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Hechos 23:6

Ucatsti Pablojj amuyänwa uca tantachasïwina yakhepanacajj saduceonacäpjjatapa, mayninacasti fariseöpjjataparaqui. Ucatwa jach'at arsu: —Jilatanaca, nayajj fariseötwa, fariseo familiataraquïtwa. Jichhasti jiwatanacan jactañap suyatajj laycuw juchañchapjjestajja —sasa.

Hechos 24:15

Jupanacjamaraquiw Diosar iyawsas suyt'ascta, jiwatanacat ñankha jakenacansa, asqui jakenacansa jactañapjja.

Hechos 24:21

Jupanac nayrakatanccasinjja, mä cuti jach'at arsusitajjaquiw utji: ‘Jumanacajj jiwatanacatac jactañ utjatap iyawsatajjatwa juchañchasipquistajja’ sasa.

Hechos 26:8

Jumanacasti ¿janit Diosan jiwatanacar jactayañap iyawsapctajja?

Hechos 28:20

Ucatpï jumanacarojj jawsayapjjsmajja, jumanacamp jiquisisin parlt'asiñataqui. Cuntï Israel marcan suyt'apctansa, uca quicpa suyt'äwi laycuwa aqham aca cadenanacampi ñach'antat uñjastjja.

Hechos 3:24

“Samuel profetat acsarojja, take profetanacaw aca arunacatjja parlapjjaraquïna.

Romanos 15:8

Nayajj sistwa, judionacar sirviriw Cristojj juti, uqhamat cunatejj nayra awquinacasampi arust'atäcän ucanac phokhañataqui, uqhamat uñacht'ayañataqui Diosajj arsutanacaparu phokherïtapa.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

Tito 2:13

Yaticharaquistuwa mä cusiscañ suyt'äwimpi jacañasa, jach'a Khespiyiri Jesucristo Diosajj uñstancani uc suyasina.