Hechos 26:16 - Qullan Arunaca

¹⁶ Jichhasti sayt'asim. Nayaru sirviñamataquiw uñstsma, uqhamarac testigojjäñamataqui cuntejj jichhajj uñjctas ucjjata. Uqhamaraquiw khepürunacansa testigt'itäta nayat uñjcät ucanacampitsa.

Aymar Bibliia 1986

¹⁶ Jichhasti sayt'asim. Nayaru sirviñamataquiw uñstsma, uqhamarac testigojjäñamataqui cuntejj jichhajj uñjctas ucjjata. Uqhamaraquiw khepürunacansa testigt'itäta nayat uñjcät ucanacampitsa.

Qullan Arunaka DC

¹⁶ Jichhasti sayt'asimaya, nayar luqtañamatakiw jumar uñstawaysma, kuntix jichhax uñjktas ukxat nayan qhanañchirixäñamataki, kuntix akat qhiparus uñjaykäma uk qhanañchañamataki.

Hechos 26:16 Jak'a apnaqawi uñst'ayäwi

Ezequiel 2:1

Ucatsti mä aru ist'aracta, aqham siri: “Jumajj chacha, saythapim, nayaw jumar parljjayäma” sasa.

Daniel (hebreo) 10:11

Ucatsti saraquituwa: ‘Daniel, Diosan munatapa, wal ist'am cuntejj nayajj siscäma uca arunaca. Sayt'asim, nayasti juman ucaru qhitanitätwa’ sasa. “Uqham satapa ist'asinsti nayajj qhathatt'asisaw sayt'asta.

Lucas 1:2

Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Hechos 1:17

Uca Judasasti jiwasanacat maynïriraquïnwa. Jupasti jiwasanac chicaraquiw Diosatac irnakäna.

Hechos 1:25

jupajj Judasan lurañanacap catuñapataqui. Judasasti jucha luratap laycuw jiwañar puri, ucatsti cawqharutï sarañapäqui ucqharuraquiw sarjje.”

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Hechos 21:19

Purisinsti Pablojj jupanacaruw arunti. Ucatsti take cuntejj Diosajj jupa toke lurcatayna jan judío jakenacampejja, ucanaca mayat mayat yatiyi.

Hechos 22:10

Ucjjarusti nayajj jisct'aractwa: ‘Tata, ¿cuna lurañajjs munta?’ Tatitusti situwa: ‘Sartam, Damasco marcar mantam. Ucanwa take cunatejj lurañamäqui uc yatisïta’ sasa.

Hechos 23:11

Uca khepa arumasti Tatituw Pablorojj uñstäna. Ucat juparojj saraquïna: “Ch'amañcht'asim, Pablo. Cunjämtejj aca Jerusalén marcan nayat parlctajja, uqhamaraquiw Roma marcan parlañamajja waquisi” sasa.

Hechos 26:15

Uc ist'asinti nayajj sistwa: ‘¿Qhitïtasa, Tata?’ —sasa. Tatitusti situwa: ‘Nayajj qhitirutejj jumajj arcnakcta uca quicpa Jesusätwa.

Hechos 6:4

Nanacasti Diosat mayiñaruw juc'amp uscusipjjä, uqhamarac jupan arunacap yatichañaru —sasa.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

2 Corintios 5:18

Take acanacsti Dios quipcaraquiw luri, jupampisa sumancthapiyjjaraquistu ucatsti Cristo tokew, takenirus Diosampi sumancthapiyañ arunac loktañwa jaytaraquistu.

Gálatas 1:12

Janiw qhiti jaketsa catokcti, ni qhitis yatichcaraquituti, jan ucasti Jesucristo pachpawa acjja yatiyitu.

Gálatas 2:2

Diosaw sarañajj munäna ucatwa sarta. Jerusalén marcanjja wali uñt'at jilïrinacampiw tantachasipjjta, ucansti jupanacarojj cuna khespiyasiñ arunactejj jan judiöpquis ucanacaru yatichcäyätjja ucwa yatiytjja. Acjja jupanacarojj yatiytwa cuntejj lurcäyäta ucajj jan inamayataquïñapataqui.

Efesios 3:3

Diosajj jan amuyt'cañ imantat arunacapwa yatiyaraquitu, cunjämtejj kalltan yatiyapcsma mä juc'a arunaca kellkanisa uqhama.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:25

Iglesiapansti mä sirviriparaquiw tucta, Diosat ewjja catokasa. Uca ewjjsti juparaquiw churitu, jumanacan asquimataqui, uqhamata Diosan arunacapa phokhata churañajjataqui,

Colosenses 1:7

Aca arunacsti jiwasan Epafras sat munat jilatasaw yatichapjjtamjja, jupasti nanac chicaw irnakaraqui, jumanacasti mä suma Tatitun sirviripatracwa juparojj uñt'asipjjtajja.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,

1 Timoteo 1:12

Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 4:5

Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.