Hechos 26:10 - Qullan Arunaca

¹⁰ Uqhamwa nayajj Jerusalenanjja lurta. Sacerdotenacan jilïrinacapan arsutanacapampejj nayajj Tatitur iyawsir jakenacatjja, waljaniruw carcelar uchantayta. Jiwayapcän ucqhasti: ‘Waliquiw’ saraquïyätwa.

Aymar Bibliia 1986

¹⁰ Uqhamwa nayajj Jerusalenanjja lurta. Sacerdotenacan jilïrinacapan arsutanacapampejj nayajj Tatitur iyawsir jakenacatjja, waljaniruw carcelar uchantayta. Jiwayapcän ucqhasti: “Waliquiw” saraquïyätwa.

Qullan Arunaka DC

¹⁰ Ukham nayax Jerusalenan lurta. Sacerdotenakan jilïrinakapan arsutanakapampix nayax Tatitur iyawsir jaqinakat, waljaniruw carcelar jist'antayta; jiwayapkän ukkhasti: “Walikiw” sarakïyätwa.

Hechos 26:10 Jak'a apnaqawi uñst'ayäwi

Salmos 16:3

Acapach aytat jakenacan cusisiñ jicjjatirinacajj sapjjewa: aca orakenquir diosanacajj ch'amanïpjjewa, sasa.

Hechos 7:58

Ucatsti marcat ankäjjar irpsusinwa kalamp c'upjapjjäna. Uc lurir testigonacasti isinacap thatsusisinjja, mä waynaruw catuyapjje. Uca waynasti Saulo sutinïnwa.

Hechos 8:1

Saulojj: “Walic jiwayapjjtajj” sänwa. Uca urutpachaw Jerusalenanquir iglesiajj wali uñisita uñjasïna. Takeniraquiw Judea tokenacaru, Samaria tokenacampirus alisnucutäjjapjjäna. Apostolonacaquiw Jerusalenan kheparjjapjjäna.

Hechos 8:3

Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

Hechos 9:21

Take jupar ist'irinacasti muspharasipjjänwa. Ucatsti sapjjaraquïnwa: —¿Janit acajj Jerusalenan Tatitur iyawsirinacar arcnaker jakëqui? ¿Janiraquit jupajj acar jutqui jupanacar ñach'antat apañataqui jilïr sacerdotenacan ucaru? —sasa.

Hechos 9:26

Jerusalenar purisinsti, Saulojj Tatitun arquirinacapampiw jiquisiñ munäna. Ucampis takeniw juparojj ajjsarapjjäna, jupanacasti janiraquiw amuyapcänti Saulon Tatitur iyawsatapjja.

Hechos 9:32

Cunapachatï Pedrojj iyawsirinacar tumpir sarnakcäna ucapachajja, uñjt'aniraquïnwa Lida marcanquir iyawsirinacaru.

Hechos 9:41

Pedrosti amparat waytasinwa sayt'ayi. Ucatsti iyawsirinacampir ijma warminacampir jawsasinjja, jacquirwa catuyjje.

1 Corintios 15:9

Nayajj apostolonacatjja janiw cuna jilïrïctsa, apóstol satäñataquisa janiw asquïcti, Tatitun iglesiapar t'akhesiyirïtajj laycu.

Gálatas 1:13

Jumanacajj ist'apjjtawa nayajj cunjämäcäyättejj nayrajja, cunapachatejj judionacan religionap arccäyäta ucqhajja. Yatipjjtawa cunja khoru cancañampis nayajj Diosan iglesiapar arcnakäyätjja, uqhamarac tucjañ muncäyäta ucsa.

Efesios 1:1

Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.