Hechos 23:3 - Qullan Arunaca

³ Pablosti juparojj sänwa: —¡Diosaw jumarojj t'ajjlliraquïtam, c'ari chuyman jake! ¿Leyirjam nayar juchañchañataquit ucqhan kont'atäscta? Ucatsti ¿cunataraqui nayarusti ley contra t'ajjlliyistasti? —sasa.

Aymar Bibliia 1986

³ Pablosti juparojj sänwa: —¡Diosaw jumarojj t'ajjlliraquïtam, c'ari chuyman jake! ¿Leyirjam nayar juchañchañataquit ucqhan kont'atäscta? Ucatsti ¿cunataraqui nayarusti ley contra t'ajjlliyistasti? —sasa.

Qullan Arunaka DC

³ Pablosti juparux sänwa: —¡K'ari chuyman jaqi, Diosaw jumarux nuwantätam! Kamachirjam nayar juchañchañatakixay ukkhan qunt'atäsktaxa, ukhamasti ¿kunatarak kamachir jan yäqas nayar nuwayistasti? —sasa.

Hechos 23:3 Jak'a apnaqawi uñst'ayäwi

1 Reyes 22:24

Ucatsti Quenaana sat chachan Sedequías yokapajj Micaías profetar jac'achasisinjja may t'ajjllisinwa aqham säna: —¿Cawquinjamas Tatitun ajayupajj nayat sarakawayi jumar uqham parlañapataquejja? —sasa.

Salmos 94:20

Ñankha lurir taripirinacasti, ¿jumamp mayachasispati? leyin sutipar jan chekapar uñjirinacasti, ¿jumamp chicäspati?

Eclesiastés 3:16

Uñjaractwa aca orakenjja ñankha luräwinaca, jan wali sarnakañanacampi cawqhantï asqui cheka sarnakañajj utjañapäqui, uqhamarac suma sarnakaña.

Levítico 19:15

“Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.

Levítico 19:35

“Cuna casta tupunacansa, janipuni engañonacjja luramti.

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Juan 18:24

Ucat Anasajj ñach'antatwa irpayäna Caifasan ucaru, jupasti sacerdotenacan jilïripänwa.

Juan 7:51

—Leyinacasarjamajj janiw qhiti jakerus juchañchcsnati janïr nayrakat cuntejj lurcatayna uc ist'casinjja —sasa.

Hechos 23:4

Ucancapcäns ucanacasti sapjjänwa: —¿Cunatarac jumasti uqham Diosan jilïr sacerdoteparu ayncatta? —sasa.