Hechos 23:2 - Qullan Arunaca

² Sacerdotenacan jilïripäquis uca Ananiasajja, Pablo jac'ancquis ucanacaruw säna: Lacapat t'ajjllipjjam, sasa.

Aymar Bibliia 1986

² Sacerdotenacan jilïripäquis uca Ananiasajja, Pablo jac'ancquis ucanacaruw säna: Lacapat t'ajjllipjjam, sasa.

Qullan Arunaka DC

² Ukham arsupan sacerdotenakan jilïripa Ananiasax Pablo jak'ankirinakar lakapat t'axllintayäna.

Hechos 23:2 Jak'a apnaqawi uñst'ayäwi

1 Reyes 22:24

Ucatsti Quenaana sat chachan Sedequías yokapajj Micaías profetar jac'achasisinjja may t'ajjllisinwa aqham säna: —¿Cawquinjamas Tatitun ajayupajj nayat sarakawayi jumar uqham parlañapataquejja? —sasa.

2 Crónicas 18:23

Ucatsti Quenaana chachan Sedequías yokapajj Micaíasaru jac'achasisinjja aqham sasaw nuwäna: —¿Cawqui cheksa Tatitun ajayupajj nayatjja sarawayjjejja jumar parlañataquejja? —sasa.

Job 16:10

Jakenacas naya contraw aywthapipjje, cunaymanwa senkch'uquipjjetu, jisc'achjasaw t'ajjllipjjaraquitu.

Jeremías 20:2

Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Miqueas 5:1

“Ucampis jichhajj Jerusalén marca, waquicht'asim sayt'asiñamataqui, uñisirinacamampi muyuntataraquïtawa, Israelan jilïriparusti walwa mutuyapjjaraquini.

Mateo 26:67

Ucapachaw jupanacajj ajanupar thuscatapjjäna, t'ajjllinokapjjaraquïna, mayninacasti ajanut nuwanokapjjäna.

Juan 18:22

Jesusajj uqham sipanjja, templonquiri mä uñjiriw ucancascäna, ucasti ajanut ch'acunti: —¿Uqhamti ayncatta sacerdotenacan jilïriparu? —sasa.

Juan 18:23

Jesusasti saraquïnwa: —Sita, ¿cuns jan wal arstjja? Arsutajjatejj waliquïscchi ucajja, ¿cunats nuwista?

Hechos 24:1

Ucat pheska ururusti sacerdotenacan jilïripa Ananiasajj Cesarearuw puri mä kawkha jilïri jakenacampi uqhamaraqui Tértulo sat mä abogado irpt'ata. Jupanacasti Félix marca apnakerin nayrakataparuw uñstapjje Pablor juchañchañataqui.